Memleket basshysy Nursultan Nazarbaev Shavkat Mirziioevke Ózbekstan Respýblikasynyń Prezidenti bolyp sailanýyna bailanysty quttyqtaý jedelhatyn joldady, dep habarlaidy "Ult aqparat" Aqordaǵa silteme jasap.
Quttyqtaýda Qazaqstan Prezidenti ótken sailaý nátijesi azamattardyń ál-aýqatyn jáne memlekettiń halyqaralyq arenadaǵy bedelin odan ári arttyrýǵa baǵyttalǵan saiasatqa degen Ózbekstan halqynyń joǵary senimi men qoldaýynyń aiǵaǵy bolǵanyn atap ótti.
«Sizdiń basshylyǵyńyzben baýyrlas Ózbekstanda turaqtylyq pen qaýipsizdikti nyǵaita túsetin aýqymdy ózgerister jalǵasyn tabatynyna senimdimin», – delingen jedelhatta.
Memleket basshysy birlesken kúsh-jigerdiń arqasynda Qazaqstan men Ózbekstan arasyndaǵy strategiialyq seriktestikti damytýǵa, sondai-aq Ortalyq Aziiadaǵy barlyq elderdiń yntymaqtastyǵyn keńeitýge tyń serpin beriletinine senim bildirdi.
Elbasy ekijaqty jáne óńiraralyq ózara is-qimyldyń áleýeti zor ekenine toqtaldy, sondai-aq elimizdiń saiasi, saýda-ekonomikalyq jáne mádeni-gýmanitarlyq salalarda syndarly dialog júrgizýge ázir ekenine nazar aýdardy.
«Osy sátti paidalana otyryp, suhbatymyzdy Astanada jalǵastyrý úshin ózińizge yńǵaily ýaqytta Qazaqstanǵa memlekettik saparmen kelýdi usynamyn», – delingen jedelhatta.
Sońynda Nursultan Nazarbaev Sh.Mirziioevke zor densaýlyq, memlekettik qyzmette jańa jetistikter, al baýyrlas ózbek halqyna beibitshilik pen baq-bereke tiledi.
