Nursultan Nazarbaev Saýd Arabiiasynyń Koroli Salman ben Ábdel Áziz Ál Saýdpen telefon arqyly sóilesti. Bul týraly Aqordanyń baspasóz qyzmeti málimdedi.
Memleket basshylary áńgimelesý barysynda eki jaqty saýda-ekonomikalyq jáne investitsiialyq yntymaqtastyqty odan ári nyǵaitýǵa jáne keńeitýge múddeli ekenin tanytty.
Atap aitqanda, atom jáne balamaly energetika salasyndaǵy, sondai-aq Qazaqstanda munai men gazdy qaita óńdeý jónindegi birlesken jobalardy iske asyrýdyń mańyzdylyǵyna nazar aýdaryldy.
Sonymen qatar, taraptar álemdik munai naryǵyndaǵy ózekti máseleler jóninde pikir almasyp, munai eksporttaýshy elder róliniń mańyzdy ekenin atap ótti.
Eki el basshylary ózara sapar jasaý tájiribesin jalǵastyrý jóninde ýaǵdalasty.
Telefon arqyly sóilesýge Saýd Arabiiasy jaǵy bastamashy boldy.
