Qazaqstannyń Tuńǵysh Prezidentiniń tóraǵalyǵymen «Samuryq-Qazyna» ulttyq ál-aýqat qoryn basqarý jónindegi keńestiń otyrysy ótti. Bul týraly elbasy.kz saity habarlady.
Jiynda keńes sheshimderiniń oryndalý nátijeleri boiynsha baiandamalar tyńdalyp, Qordyń bolashaq investitsiialyq jobalarynyń baǵyttary talqylandy.
Nursultan Nazarbaev «Samuryq-Qazyna» ulttyq ál-aýqat qory» aktsionerlik qoǵamy basqarmasynyń tóraǵasy A.Sátqalievtiń aqparatyn tyńdai kele, Qor jumysyna oń baǵa berdi. Dúniejúzilik daǵdarystyń Qazaqstan ekonomikasyna áserine qaramastan, Qor 2020 jyldy tabysty aiaqtaǵany aityldy.
Keńes músheleri «Samuryq-Qazyna» ulttyq kompaniiasynyń satyp alý kezindegi jergilikti úlesti arttyrýǵa baǵyttalǵan tásilderine, sondai-aq otandyq taýar óndirýshilerdi qorǵaý sharalaryna qoldaý bildirdi. Ulttyq ál-aýqat qoryn basqarý jónindegi keńestiń Tóraǵasy pandemiia jaǵdaiynda Úkimet ulttyq ekonomikany qoldaý úshin barlyq tetikterdi belsendi ári tiimdi paidalanyp jatqanyn atap ótti.
Sonymen qatar keńes barysynda «Qazmunaigaz» ulttyq kompaniiasy» aktsionerlik qoǵamy men «Qazaqtelekom» aktsionerlik qoǵamy basshylarynyń esebi tyńdaldy.
Jiyn qorytyndysy boiynsha Ulttyq ál-aýqat qoryn basqarý jónindegi keńestiń Tóraǵasy birqatar naqty tapsyrma berdi.
