Elbasy Qazaqstandaǵy robottalǵan hirýrgiianyń halyqaralyq referenstik jáne oqytý ortalyǵyna bardy, dep habarlaidy "Ult aqparat" Aqordaǵa silteme jasap.
Memleket basshysy negizgi mindeti robottalǵan hirýrgiiany qurý, damytý jáne ony praktikalyq meditsina salasyna engizý bolyp sanalatyn ortalyqtyń jumysymen tanysty.
Nursultan Nazarbaev meditsinada innovatsiialyq sheshimderdi qoldanýdyń mańyzdylyǵyna toqtalyp, robottalǵan hirýrgiia ortalyǵynda jasalatyn otalardyń búkil óńir úshin biregeiligin atap ótti.
– Mundai úlken bastama halqymyzdyń igiligine baǵyttalǵan. Meditsina salasyn robottandyrý mamandarymyzdyń biliktiligin arttyrýǵa septigin tigizedi. Osyndai ortalyqtyń ashylýy – otandyq densaýlyq saqtaý salasyndaǵy mańyzdy oqiǵa. Bul kóptegen adamdardyń ómirin saqtap qalýǵa múmkindik beredi, – dedi Qazaqstan Prezidenti.
Elbasy ortalyqta em qabyldaýshylarmen áńgimelesip, Prezidenttiń Is basqarmasy Meditsina ortalyǵynyń jalpy jumysy jáne ony damytý perspektivalary jóninde málimet aldy.
Qazaqstan Respýblikasynyń Tuńǵysh Prezidenti qorynyń qoldaýymen qurylǵan robottalǵan hirýrgiia ortalyǵy meditsina mamandaryn daiarlap, olardyń biliktiligin arttyrýdy qamtamasyz etetin bolady. Sondai-aq klinikalyq synaqtar ótkizip, álemdik deńgeidegi zamanaýi robottalǵan tehnologiialardy qoldana otyryp, ǵylymi ázirlemeler daiyndaidy.
.jpeg)