Qaýipsizdik Keńesiniń Tóraǵasy Nursultan Nazarbaev Prezidenttiń kómekshisi – Qaýipsizdik Keńesiniń hatshysy Áset Isekeshevti qabyldady, dep habarlaidy Elbasynyń baspasóz qyzmeti.
Kezdesýde Nursultan Nazarbaev kúrdeli epidemiologiialyq ahýal, álemdik ekonomikalyq daǵdarys pen aimaqtyq syn-qaterler jaǵdaiynda ulttyq qaýipsizdik júiesiniń qyzmetin úilestirýdi kúsheitý qajettigin atap ótti.
Á.Isekeshev Elbasyǵa Qaýipsizdik Keńesi apparatynyń ulttyq qaýipsizdiktiń, onyń ishinde ekonomikalyq, aqparattyq jáne áskeri qaýipsizdiktiń negizgi baǵyttary boiynsha júrgizip jatqan jumystary týraly aqparat berdi.
Sondai-aq Qaýipsizdik Keńesiniń hatshysy quqyq qorǵaý júiesin odan ári damytý jáne eldegi qylmys deńgeiin tómendetý baǵytynda qabyldanyp jatqan sharalar týraly baiandady.
Sonymen birge Á.Isekeshev Shanhai yntymaqtastyq uiymy, Ujymdyq qaýipsizdik shart uiymy jáne Táýelsiz memleketter dostastyǵyna múshe elderdiń Qaýipsizdik Keńesteri hatshylarynyń kezdesýleriniń nátijeleri týraly aityp berdi.
Atalǵan is-sharalar aiasynda óńirlik qaýipsizdiktiń ózekti máseleleri, terrorizmge, esirtkiniń zańsyz ainalymyna, kiberqaýipsizdik salasyndaǵy qaterlerge qarsy kúresti kúsheitý sharalary talqylandy.
Kezdesý qorytyndysy boiynsha Qaýipsizdik Keńesiniń Tóraǵasy ulttyq qaýipsizdikti qamtamasyz etýdiń negizgi máseleleri boiynsha birqatar tapsyrma berdi.
