Astanada Memleket basshysy Nursultan Nazarbaevtyń qatysýymen Parlament Májilisiniń plenarlyq otyrysy ótip jatyr, dep habarlaidy "Ult aqparat".
Májilis otyrysynda Elbasy Premer-ministr qyzmetine Asqar Maminniń kandidatýrasyn usyndy.
Májilis depýtattary biraýyzdan Asqar Maminniń kandidatýrasyn qoldady.
Aita ketsek, 21 aqpan kúni Memleket basshysynyń sheshimimen QR Úkimeti otstavkaǵa ketken bolatyn. Úkimet basshysy qyzmetin ýaqytsha atqarý vitse-premer Asqar Maminge júktelgen bolatyn.
Asqar Uzaqbaiuly Mamin 1965 jyly 23 qazanda Tselinograd (qazirgi Astana) qalasynda dúniege kelgen.
Tselinograd injenerlik-qurylys institýtyn, G.V. Plehanov atyndaǵy Resei ekonomikalyq akademiiasyn támamdaǵan, mamandyǵy boiynsha injener-qurylysshy, ekonomist.
Eńbek jolyn «Tselintiajstroi»tresinde montajshy bolyp bastaǵan. Qazaqstan innovatsiialyq kásiporyndar odaǵy direktorynyń orynbasary laýazymynda qyzmet atqarǵan.
1996 - 2008 jyldary Astana qalasy ákiminiń birinshi orynbasary, Qazaqstan Respýblikasynyń Kólik jáne kommýnikatsiialar vitse-ministri, Qazaqstan Respýblikasynyń Indýstriia jáne saýda Birinshi vitse-ministri, Qazaqstan Respýblikasynyń Kólik jáne kommýnikatsiialar ministri, Astana qalasynyń ákimi laýazymdarynda qyzmet etti.
2008 jylǵy sáýir aiynan bastap «Qazaqstan temir joly» ulttyq kompaniiasy» aktsionerlik qoǵamynyń prezidenti, 2008 jylǵy 17 sáýirde «Qazaqstan temir joly» ulttyq kompaniiasy» aktsionerlik qoǵamynyń Direktorlar keńesiniń múshesi bolyp sailandy.
2016 jylǵy qyrkúiekte Memleket basshysynyń jarlyǵymen Qazaqstan Respýblikasy Premer-Ministriniń birinshi orynbasary bolyp taǵaiyndaldy.
1998 jyly – «Eren eńbegi úshin» medalimen, 2006 jyly – «Qurmet» ordenimen, 2011 jyly – ekinshi dárejeli «Barys» ordenimen, 2013 jyly – Frantsýz Respýblikasynyń Qurmetti legiony ordenimen, 2014 jyly – Ispaniia koroldiginiń «Azamattyq eńbegi úshin» birinshi dárejeli ordenimen marapattalǵan. 2011 jyly – Astana qalasynyń Qurmetti azamaty, 2012 jyly – Qurmetti temirjolshy, 2013 jyly – Qazaqstannyń Qurmetti qurylysshysy.
