Nursultan Nazarbaev Polsha Respýblikasynyń Prezidenti Andjei Dýdamen kezdesti, dep habarlaidy "Ult aqparat" Aqordaǵa silteme jasap.
Memleket basshysy áńgimelesý barysynda A.Dýdany Polshanyń BUU Qaýipsizdik Keńesiniń turaqty emes múshesi retindegi qyzmetiniń bastalýymen quttyqtady.
– Búgingi kezdesý qarym-qatynastarymyzdy talqylaý úshin bizge zor múmkindik beredi. Polshanyń Birikken Ulttar Uiymy Qaýipsizdik Keńesiniń 2018-2019 jyldardaǵy turaqty emes múshesi retindegi qyzmetiniń bastalýymen quttyqtaimyn, – dedi Qazaqstan Prezidenti.
Nursultan Nazarbaev Qazaqstan men Polshanyń BUU Qaýipsizdik Keńesi jumysyndaǵy ustanymdarynyń uqsastyǵyn atap ótti.
– Bizdiń oi-pikirimiz ben Birikken Ulttar Uiymy Qaýipsizdik Keńesindegi jumys baǵytymyzdyń uqsas ekenine qýanyshtymyn. Meniń Varshavaǵa saparym jáne Sizdiń ótken jylǵy Astanaǵa saparyńyz áli esimde. Mundai kezdesýler bizdi ári elderimizdi jaqyndata túsedi, – dedi Qazaqstan Prezidenti.
A.Dýda kezdeskenine jáne ekijaqty yntymaqtastyqtyń ózekti máselelerin talqylaý múmkindigi bolǵanyna rizashylyq bildirdi.
.jpeg)