Nursultan Nazarbaev «Otyrar sazy» memlekettik akademiialyq folklorlyq-etnografiialyq orkestriniń jetekshisi Dinzýhra Tilendievany qabyldady, dep habarlaidy "Ult aqparat" Aqordanyń baspasózine silteme jasap.
Kezdesý barysynda Memleket basshysy «Rýhani jańǵyrý» baǵdarlamasyn júzege asyrý aiasynda mádeniet pen óner salasyna turaqty túrde qoldaý kórsetýdiń mańyzdy ekenin atap ótti.
– Sizdiń ákeńizben uzaq jyl boiy jaqsy tanys boldyq. Akademiialyq degen ataǵy bar «Otyrar sazy» orkestri sol kisiniń esimimen atalady. Kezinde bul orkestrde 6 adam bar edi, qazir 66 mýzykant jumys isteidi, – dedi Qazaqstan Prezidenti.
Nursultan Nazarbaev rýhani jańǵyrý baǵdarlamasynda kórsetilgen mindetterdi oryndaý isinde folklorlyq-etnografiialyq orkestrdiń róli erekshe ekenin aitty.
– Gastrolmen Frantsiiaǵa bardyńyzdar, Astanada óner kórsettińizder. Halqymyzdyń mýzykalyq aspaptaryn búkil álemge tanytyp júrsizder. Tól ónerimizdi dáripteý maqsatymen Ulttyq dombyra kúni de bekitildi. Ony merekeleýge 1 myńnan astam dombyrashy qatysty. Munyń bári «Rýhani jańǵyrý» baǵdarlamasynyń baǵyttaryna sai keledi. Siz uly kompozitor Nurǵisa Tilendievtiń isin jalǵastyryp kelesiz, sol úshin alǵys aitamyn, – dedi Elbasy.
Dinzýhra Tilendieva ulttyq óner salasyn damytýǵa zor mán berip otyrǵany úshin Qazaqstan Prezidentine alǵys bildirip, elimizde júzege asyrylyp jatqan damý baǵdarlamalaryn qoldaitynyn aitty.
.jpeg)