Memleket basshysy Nursultan Nazarbaev joǵary áskeri jáne arnaýly ataqtar men shenderdi tapsyrý saltanatynda otan qorǵaýshy er azamattardyń otan aldyndaǵy qasietti paryzy týraly aitty, dep habarlaidy Sputnik Qazaqstan tilshisi.
"Otan qorǵaýshy kúni dep jetinshi mamyrdy bekittik. 1992 jyly dál osy kúni qazaqtyń qarýly kúshterin qurý týraly jarlyqqa qol qoiǵan bolatynmyn", — dedi Nazarbaev Aqordada bolǵan marapattaý saltanatynda.
Prezident áskeri jáne arnaýly ataqtar men joǵarǵy dárejeli shenderdi óz qolymen tapsyrǵan azamattarǵa amanatyn aitty.
"Qazaqstan beibit memleket, ainalamyz da tynysh, júrgizip otyrǵan saiasatymyz da beibit. Biraq bul biz álsiz bolýymyz kerek degendi bildirmeidi. Búgingi álem jyldam ózgerip jatyr, erteń ne bolatynyn eshkim boljap bilmeidi. Biraq kez kelgen jaǵdaiǵa daiyn bolyp, qajet bolsa otan, jer úshin ómirińdi qiiýǵa ázir bolý kerek. Biz barlyq er azamat osy úshin týyp, osy úshin ómir súrip jatyrmyz. Adamǵa ómir beriledi, al bir kúni osy ómirdi alady. Qaida, qashan – muny biz bilmeimiz. Ár ýaqytta jaýyngerler otandy qorǵap, ol úshin ómirin berýdi qasietti boryshy dep bilgen", — dedi memleket basshysy.
"Sizderdi el baǵalaidy, qurmetteidi, barlyq qajettimen qamtamasyz etedi jáne árine, adal qyzmet etýlerińizdi kútedi", — degen Elbasy jinalǵandardy búgingi marapatymen quttyqtady.
.jpeg)