Qazaqstannyń Tuńǵysh Prezidenti Parlament Májilisniń Tóraǵasy Nurlan Nyǵmatýlindi qabyldady, dep habarlaidy "Ult aqparat" Elbasy.kz saityna silteme jasap.
Kezdesý barysynda Nursultan Nazarbaevqa Parlament Májilisindegi «Nur Otan» partiiasy fraktsiiasynyń qazirgi qyzmeti men jumys josparlary týraly aqparat berildi.
«Qazirgi tańda Májilistiń qaraýynda 45 zań jobasy bar. Barlyq 3 fraktsiia jumysyna kiristi. Bizdiń fraktsiianyń aldyna Sizdiń tapsyrmalaryńyzdyń, sailaýaldy ýádelerdiń oryndalýy men «100 naqty qadam» Ult josparynyń júzege asýyn sapaly baqylaý mindetteri qoiyldy», – dedi Nurlan Nyǵmatýlin.
Sonymen qatar, Elbasyna Eýropa men Aziia elderi parlamentteri spikerleriniń keńesine daiyndyq barysy týraly málimet berildi.
«24 qyrkúiekte ótetin spikerler otyrysyna álemniń 65 elinen kelgen delegat qatysady. Elimizde mundai joǵary deńgeidegi parlamenttik is-shara sońǵy 20 jylda alǵash ret ótkizilip otyr. Eýropa jáne Aziia elderi parlamentteri spikerleriniń biylǵy kezdesýi Sizdiń eýraziialyq integratsiia týraly ideiańyzdyń 25 jyldyǵyna arnalǵan», – dedi Parlament Májilis Tóraǵasy.
