Nursultan Nazarbaev belgili telejýrnalist, Qazaqstannyń eńbek sińirgen qairatkeri Nurtileý Imanǵaliulynyń qaitys bolýyna bailanysty kóńil aitý jedelhatyn joldady, dep habarlaidy Elbasy.kz.
Elbasy Nurtileý Imanǵaliulynyń dúnieden ótýine bailanysty aýyr qaiǵyǵa ortaqtasyp, otbasy men týǵan-týystaryna kóńil aitty.
«Nurtileý Imanǵaliuly sanaly ǵumyryn qazaq televiziiasynyń órkendeýine arnady. Ol qatardaǵy tilshiden Ulttyq arnanyń basqarma tóraǵasyna deiingi joldan ótken naǵyz maitalman maman bolatyn.
Onyń qoǵamdaǵy kókeikesti máselelerdi arqaý etip, áleýmettik astaryn asha bilgen aishyqty avtorlyq baǵdarlamalary umytylmai, el esinde qalady.
Sheber júrgizýshi, suńǵyla suhbatshy retinde efirdegi erekshe beinesimen, ózindik bolmys-bitimimen qalyń kórermendi uiyta bilgen talantty da tanymal tulǵa táýelsiz elimizdiń telejýrnalistikasyn damytýǵa zor úles qosty.
Kópshiliktiń kózaiymyna ainalyp, yqylasyna bólengen abzal azamattyń ǵibratty ǵumyry men jarqyn beinesi jurtshylyq jadynda árdaiym saqtalady dep senemin» delingen jedelhatta.
