2025 jylǵa deiingi «Jastar - Otanǵa» baǵdarlamasynyń jobasy ázirlendi. Bul týraly búgin «Nur Otan» partiiasynyń kezekten tys HH sezin qorytyndylaǵan QR Tuńǵysh Prezidenti - Elbasy Nursultan Nazarbaev aitty, dep habarlaidy QazAqparat.
«Nur Otan» 20 jyl kósh bastap keledi. Biz árdaiym jurtshylyqtyń muń-muqtajyn túsinip, máselesin sheshtik. Kóshbasshylyqtyń syry da osynda jatyr. Biz «Nur Otan-nyń» naqty ister partiiasy ekenin dáleldedik. Pandemiia kezinde meniń bastamammen qurylǵan «Birgemiz» qory 33 mlrd teńge qarjy bólip, 2 mln-nan astam adamǵa kómek kórsetti. Partiia úshin qarapaiym halyqtyń múddesi eń birinshi orynda turady. Partiianyń konferentsiiasy kezinde biz ár oblystyń, aýdannyń, qalanyń máselelerin sheshetin 216 óńirlik jańa sailaýaldy baǵdarlama qabyldadyq. Mundai esh ýaqytta bolǵan joq. Memleket tarapynan úlken baǵdarlamalar boldy. Al ár oblysta, ár qalada, ár aýdanda baǵdarlamanyń bolýy jergilikti biliktiń atqaratyn jumysy sapasyna talapty kúsheitedi», - dedi Elbasy.
QR Tuńǵysh Prezidenti elimizdiń eń iri uiymy jastar uiymy «Jas otannyń» bastamasymen partiia tóńiregine belsendi jastar toptasqanyn da aitty.
«Pandemiia kezinde «Jas otan» 5 myńnan astam eriktini jumyldyrý arqyly óziniń kóshbasy ekenin dáleldedi. Biyl 2025 jylǵa deiingi «Jastar - Otanǵa» baǵdarlamasynyń jobasy ázirlendi. Ol «Jas otan» sezinde qabyldanatyn bolady», - dedi Nursultan Nazarbaev.
