Nursultan Nazarbaev Helsinkige kelgennen keiin fin telekommýnikatsiia kompaniiasynyń basshysymen kezdesti, dep habarlaidy "Ult aqparat" Aqordaǵa silteme jasap.
Memleket basshysy «Nokia» brendi álemge telekommýnikatsiia salasyndaǵy jetistikterimen keńinen belgili ekenin atap ótip, Qazaqstanda bul kompaniia senimdi seriktes retinde tanylǵanyn aitty.
– «Nokia» kompaniiasy 2007 jyldan bastap bizdiń elmen yntymaqtastyq ornatyp keledi. Búginde kompaniianyń taýar ainalymy 20 milliard AQSh dollaryna jetti, – dedi Qazaqstan Prezidenti.
Nursultan Nazarbaev kompaniia basshysyna Qazaqstannyń óndiris úderisine avtomattandyrý, robottandyrý jáne jasandy intellekt ádisterin engizý arqyly eńbek ónimdiligin arttyrý mindetin qoiyp otyrǵanyn aityp, «Tsifrlyq Qazaqstan» memlekettik baǵdarlamasyn iske asyrý máselelerine erekshe toqtaldy.
Risto Siilasmaa Nursultan Nazarbaevqa kezdesýge múmkindik týǵyzǵany úshin rizashylyq bildirip, qazaqstandyq kompaniialarmen yntymaqtastyq ornatýǵa zor qyzyǵýshylyq tanytty.
– Siz dúnie júzine óte tanymalsyz ári memleketter basshylarynyń arasynda tehnologiialyq damýdyń mańyzdylyǵyn túsinesiz. Sizdiń tsifrlyq tehnologiialarǵa zor mán beretinińizdi bilemin, – dedi Risto Siilasmaa.
Kezdesý sońynda taraptar bailanystyń jańa tehnologiialaryn, sonyń ishinde ekonomika salalaryn tsifrlandyrý jáne innovatsiialyq ekojúieni damytý jónindegi jobalardy júzege asyrý barysynda 5G standartyn engizý máselelerin talqylady.
