Atyraý oblysynyń áleýmettik-ekonomikalyq damý məseleleri jóninde keńes barysynda Memleket basshysy Nursultan Nazarbaev óńir dárigerleriniń qyzmetine jurtshylyqtyń kóńili tolmaityndyǵyn aitty, dep habarlaidy QazAqparat tilshisi.
«Dáriger kadrlarmen qamtamasyz etý bar. Biraq, maǵan kelip túsken aqparattar boiynsha baratyn jurt dárigerlerdiń qyzmetine kóńilderi kónshimeidi. Sondyqtan adamdar kóbinese syrtqa baryp emdelgisi keledi. Bul másele qaidan shyǵady? Bylai qarasań barlyǵy bar. Ólim kórsetkishi tómendedi, bala ólimi 30-dan 12-ge tústi. Týberkýlez Atyraýda ótkir turatyn úlken másele edi. Ol 100 myń adamǵa shaqqanda 18 boldy. Qaterli isik 2 esege tómendedi. Osynyń barlyǵy meditsina salasynyń istep jatqan jumysy emes pe? Nelikten mundai aryzdar bar?», - dep surady Nursultan Nazarbaev Atyraý oblysynyń ákimi Nurlan Noǵaevtan.
Óz kezeginde óńir basshysy oblys halqynyń kezinde Astrahanǵa attanyp, sol jaqtyń meditsinasyna júgingendigin jasyrmady.
«Qazir kadrmen qamtamasyz etý barysynda ýniversitetti bitirgen jas mamandy ǵana emes tájiribeli mamandardy da shaqyryp jatyrmyz. Jaǵdaidy ózgertýge tyrysýdamyz. Qazir bul tapsyrmany dárigerler biledi. Materialdyq-tehnikalyq jabdyqtaý qajetti deńgeide, qarajat ta bólinip jatyr», - dedi ol.
.jpeg)