QR prezidenti Nursultan Nazarbaev latyn álipbiiniń qazaq tiline ákeler paidasy týraly aitty, dep habarlaidy Sputnik Qazaqstan.
Memleket basshysy jyl qorytyndysy boiynsha otandyq buqaralyq aqparat quraldarynyń ókilderimen kezdesti. Prezident suhbat barysynda elimizde ótken mańyzdy sharalardy qorytyndylap, jýrnalisterdiń ózekti suraqtaryna jaýap berdi. Elbasy álemniń 70 paiyzy latyn álipbiimen jumys isteitinine toqtalyp, onyń qazaq tiline ákeler paidasy týraly aitty.
"Naǵyz táýelsizdik – ol tildiń de táýelsizdigi. Bir jaǵynan tereń, ar jaǵynda jatqan astary sol. Onyń ber jaǵynda búkil dúnieniń 70 protsenti sol álipbimen jumys isteidi, ǵylymnyń, tehnologiia men internettiń tili. Ekinshiden, bul álipbidiń qazaq tiline qanshalyqty paida ákeletinin sizder jazýshylar, jýrnalister menen de jaqsy bilesińder. Kirillitsada bizge kerek emes, tilimizdi buryp, qisaitatyn áripter bar. Ol jaǵyn da oilaý kerek. Úshinshiden, biz órkenietti elderdiń arasyna kirip, baiyǵan aldyńǵy qatarly 30 eldiń qataryna túsemiz desek, solarmen birge bolýymyz kerek", - dedi Elbasy.
"Suhbattyń televiziialyq nusqasy búgin (25 jeltoqsan, 2017) Astana ýaqytymen 21:30-da respýblikalyq arnalardyń efirinen kórsetiledi", — delingen Aqordanyń feisbýktegi paraqshasynda.
.jpeg)