Nursultan Nazarbaev Islam yntymaqtastyq uiymynyń ǵylym jáne tehnologiia boiynsha birinshi sammitiniń qatysýshylaryna úndeý jariialady, - dep habarlaidy kaz.tengrinews.kz. Otyrys Astanadaǵy Táýelsizdik Saraiynda ótip jatyr.
Qazaqstan Prezidenti Mianmadaǵy jaǵdaiǵa bailanysty óz pikirin bildirdi. Ol zorlyq-zombylyqty toqtatyp, BUU deńgeiinde kelissózder ótkizýdi usyndy. Sóz sóileýdi bastamastan buryn, Nursultan Nazarbaev IYU sammitine qatysyp otyrǵan barlyq múshelerine Astanaǵa kelgeni úshin alǵys bildirdi.
"Qonaqjai Qazaqstannyń shaqyrtýyn qabyl alǵandaryńyz úshin alǵys bildiremin. Ókinishke orai, sońǵy kezderi islam álemi ár túrli aýyr synaqtardan ótip jatyr. Birinshiden, ekstremistik jáne terrorlyq úiymdardyń terrorlyq shabýylynan birinshi kezekte musylman elderi zardap shegip otyr. Ekinshiden islamofobiia uǵymy tarap jatyr. Batys elderde jyl saiyn musylmandarǵa qarsy qylmystar kóbeiip jatyr. Biz taiaýda bolǵan Mianmadaǵy qaqtyǵystarǵa alańdaýshylyq bildirip, barlyq elderdi dereý zorlyq-zombylyqty toqtatý úshin BUU deńgeiinde kelissózder júrgizýge shaqyramyz", - dedi Nazarbaev IYU qatysýshylaryna.
IYU ǵylym jáne tehnologiia birinshi samitinde ǵylym, tehnologiia jáne innovatsiia salasyndaǵy artyqshylyqtary anyqtalady. Osy ideiany 2016 jyly Ystambulda IYU sammiti kezinde Nursultan Nazarbaev aitqan bolatyn.
Islam Yntymaqtastyq Uiymy (IYU) 1969 jyly 25 qyrkúiekte musylman memleketteriniń bastamasymen qurylǵan. Búginde osy uiymǵa 57 el múshe, jalpy halyq sany - 1,2 milliard adam. Uiymǵa Resei, Bosniia jáne Gertsegovina, Tailand baqylaýshy retinde qatysady. Uiymnyń shtab-páteri Saýd Arabiiasynyń Djidda qalasynda ornalasqan. IYU-nyń basshysy - Bas hatshy, al atqarýshy organy - Bas hatshylyq dep atalady. Bas hatshyny múshe elder Syrtqy ministrler konferentsiiasynda bir márte 4 jylǵa sailaidy. Uiym janynan ashylyp, derbes jumys isteitin tómendegidei organdar men qurylymdar bar. Olar Islam damý banki, Islam jańalyqtary agenttigi, Ekonomika jáne mádeni máseleler jóninde islam komissiiasy, Ierýsalim qory, Islam astanalary uiymy, Islam ǵylymi-tehnikalyq damý qory jáne taǵy basqalar. 2011 jylǵa deiin Islam konferentsiiasy uiymy dep atalǵan. Astanada ótken 38 sesiiada ataýy ózgertildi.
