Memleket basshysy Nursultan Nazarbaev QR UEM Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetiniń tóraǵasy Azamat Maitievke sógis jariialady, dep habarlaidy "Ult aqparat".
Búgin Aqordada Qaýipsizdik keńesiniń otyrysynda Prezident Energetika ministrligi, Ulttyq ekonomika ministrligi jáne monopoliiaǵa qarsy vedomstvo basshylarynyń baiandamalaryn tyńdady.
Prezident 2009 jyly Qazaqstanda «Investitsiia ornyna - tarif» jobasy qabyldanǵanyn, jeti jyldyń ishinde ol monopolisterge ózderiniń óndiristerin jańǵyrtý úshin milliardtaǵan qarjy tabýǵa múmkindik bergenin atap ótti. Alaida investitsiialaý men qýattardy jańartýdyń ornyna iri energetikalyq kompaniialar tutynýshylar esebinen zańsyz túrde dáýletin arttyryp kelgen. Osy oraida Memleket basshysy tarifterdi zańsyz kótergen monopolisterdi jazalaýdy talap etti.
«Másele osynshalyqty ózekti bolyp tur. Monopoliiaǵa qarsy komitet tóraǵasy, osy máseleni túzete alasyń ba? Álde, qyzmetińnen ketesiń be?», - dedi Prezident Komitet tóraǵasy Azamat Maitievke qarata aitqan sózinde.
Óz kezeginde vedomstvo basshysy salada týyndaǵan jaǵdaidy túzetýge qaýqarly ekenin jetkizdi.
Sonymen qatar Ulttyq ekonomika ministri Timýr Súleimenov óziniń baǵynyshty qyzmetkeri atalǵan máseleni sheshetinin aityp, oǵan bolysty.
«Onda sógis jariialaýmen shekteleiik. Jaǵdaidy rette, kinálilerdi jazaǵa tart. Osydan keiin qabyldanǵan sharalardy maǵan baianda», - dedi Nursultan Nazarbaev QR UEM basshysyna.
Jalpy, Prezident búgingi otyrysta memorgandar basshylaryna sońǵy eskertý jasady.
«Osy is boiynsha Bozymbaev ta (Energetika ministri), Ekonomika ministrligi men monopoliiaǵa qarsy komitet te qatań jazaǵa laiyqty. Barlyǵyna eskertý jasaimyn. Kelesi joly tiisti sharalar qabyldanady», - dep túidi Memleket basshysy.
