Memleket basshysy Nursultan Nazarbaev Milosh Zemanǵa Cheh Respýblikasynyń Prezidenti laýazymyna qaita sailanýyna bailanysty quttyqtaý jedelhatyn joldady, dep habarlaidy "Ult aqparat" Aqordaǵa silteme jasap.
«Sizdiń jeńisińiz elińizdi odan ári damytýdy kózdegen baǵytyńyzǵa degen halyq seniminiń aiqyn dáleli bolyp sanalady.
Biz biyl diplomatiialyq qarym-qatynasymyzdyń 25 jyldyǵyn atap ótemiz. Shirek ǵasyr ishinde Qazaqstan men Chehiia arasyndaǵy yqpaldastyqtyń joǵary deńgeige kóterilgenine qýanyshtymyn.
Qazaqstan men Chehiia arasyndaǵy yntymaqtastyq elderimizdiń igiligi úshin ózara seriktestik rýhynda jalǵasa beretinine senimdimin. Sizge zor densaýlyq jáne jaýapty qyzmette tabys, al dostas Chehiia halqyna beibitshilik pen bereke tilei otyryp, ósip-órkendeýine niettestik bildiremin», - delingen jedelhatta.
