Memleket basshysy Nursultan Nazarbaev Qazaqstannyń tabiǵaty men jaǵajaiyna tánti ekenin málimdedi, dep habarlaidy Baq.kz tilshisi.
«Men Alakólde boldym. Ony biletin shyǵarsyzdar. Bul álemde teńdesi joq demalys aimaǵy. Oǵan Balqash ózeniniń jaǵalaýy kiredi. Biz Alakólge aparatyn temirjoldy saldyq. Endi ol jaqqa adamdar kelý úshin aeroportty damytý qajet. Alakól men úshin - teńiz. Men solai deimin. Ol jylyna 95 kún jumys isteidi. Maǵan shomylý maýsymynda osylai jumys isteitin kýrorttyq aýmaqty aityńyzdarshy. Tipti Túrkiiada osylai jumys istemeidi. Kaspii teńiziniń jaǵalaýy da erekshe. Onymen jeke jumys isteý kerek», - dedi Elbasy.
Sonymen qatar Prezident Almaty oblysynda da týrizimdi damytýǵa zor múmkindik bar ekenin aitty.
«Almaty oblysynda biz shańǵy kýrorty týraly aitamyz. Muny da damytý qajet. Múmkindik pen ideialar, jobalar bar. Bizde Sharyn shatqaly týraly biletinder az. Tipti sheteldikterdiń ózi ol Soltústik Amerikadaǵy uly shatqaldan úlken ekenin aitady. Ol jaqta bolǵan azamat esten ketpes áser alady», - dep túiindedi sózin Nursultan Nazarbaev.
.jpeg)