Memleket eshkimdi tegin úimen qamtamasyz etýge mindetti emes. Tek nesie jáne jeńildiktermen ǵana kómektese alady. Prezident Nursultan Nazarbaev osylai málimdedi, dep habarlaidy Sputnik Qazaqstan tilshisi.
Elbasy kezekti joldaýy kezinde memlekettiń halyqty tegin úimen qamtamasyz etýge mindetti emestigin aityp ótti. Sondai-aq, osy kúnge deiin soǵys ardagerleriniń birneshe márte úimen qamtylǵanyn aityp ótti.
"Men búkil eldiń aldynda taǵy bir ret aitamyn. Biz basqa álemde ómir súrip jatyrmyz. Memleket eshkimge tegin úi bermeidi. Tek nesiemen, belgili bir jeńildiktermen kómektese alady. Memlekette tegin páter de, mundai zań da joq. Soǵys ardagerlerine shamamen 10 retten úi bergen shyǵarmyz. Olardyń ózderin de, balalary men nemere-shóbelerin de úimen qamtamasyz ettik. Jaqsy, olar soǵys ardagerleri bolǵandyqtan osylai jasadyq. Al qalǵandaryna ne joq? Olarǵa eshkim tegin úi bermeidi ", — dedi Elbasy.
Ári qarai memleket basshysy qalalardy adamdar ózderi turýǵa asyǵatyndai dárejede damytýdy tapsyrdy.
"Fýtýrister álemde eń damyǵan 600 qala bolatynyn aitady jáne báseke memleket arasynda emes, sol qalalar arasynda júredi. Bolashaqta adamdar sol qalalarda turýǵa umtylatyn bolady. Munyń nege bulai ekeni aitpasa da túsinikti. Ol jaqta bilim men mádeniet, qaýipsizdik bar", — dedi ol.
Munymen qatar, Nazarbaev berilgen jerlerdi igere almai otyrǵandardan olardy memleketke qaitaryp berýdi talap etti.
"Qolynda biligi bar adamdar jerlerdi alyp alǵan. It sekildi basqaǵa bermeimin jáne ózim de keregime jaratpaimyn dep otyr. Men muny retke keltirýdi prokýratýraǵa tapsyrdym. Eger igere almasa, memleketke qaitarsyn ", — dedi Elbasy.
.jpeg)