Búgin Almaty oblysynyń Shamalǵan aýylynda halyqpen kezdesken Nursultan Nazarbaev kópbalaly jáne áleýmettik jaǵynan az qamtylǵan otbasylarǵa kórsetiletin kómek týraly aitty, dep habarlaidy QazAqparat tilshisi.
«Kópbalaly analarǵa, turmysy nashar adamdarǵa kómek jasalyp jatyr. Eń tómengi jalaqy jyl basynan 1,5 ese kóbeitiledi. 1 sáýirden bastap kópbalaly analarǵa, ár balaǵa, tabysy tómenderge kómek berilip jatyr. Biraq, memleketke «bere ber» dep otyrmai, jumys isteý kerek. Qai qazaq balany týǵyzyp, kórshisine asyra dep bergen? Erkek adamnyń «balany týǵyzdym, ózim asyraimyn, jetkizemin» degen namysy bolýy kerek. Dúniejúzinde solai. Bala-shaǵasyn asyraý adamnyń óz basyndaǵy mindeti. Bizdi analarymyz solai asyrady. Biz de solai ósken adambyz. Qazaqstanǵa kelip, eńbegi sińbei jatyp, bizdi asyrańdar, pensiia berińder degendi estip júrmin. Onyń bári durys emes. Biraq memlekettiń jaǵdaiy jaqsy. Óziniń bolashaqqa rezervi bar: indýstriialyq, aýyl sharýashylyǵy salalary, barlyq jaǵynan. Qazaqstan boiynsha joldar salynýda. Ár aýylǵa gaz kelip jatyr. Basqa da kerek jaǵdai bar. Tek jumys istep, jastarǵa oqyp, bilim alý kerek. Sonda ǵana januiasyn baǵatyn bolady, ózine jaqsylyq isteitin bolady», - dedi N.Nazarbaev.
Kezdesý barysynda Elbasy «Elý jylda - el jańa, júz jylda - qazan» degen maqaldy keltirip, jas urpaq týraly sóz qozǵady.
«Qurdastarym az qaldy. Biren-saran tanystar bar. Jas urpaq ósti. Jańadan el bolyp kele jatyr. Shamalǵanda 20 myń adam turady. Shamal degen atyn qaita ákeldim. Týǵan jerimiz pasportta Shamalǵan dep jazylǵan, ony ózgertip qaitemiz. Árqaisyńyzǵa densaýlyq, baqyt, sáýletti ómir tileimin», - dedi Tuńǵysh Prezident.
