.jpeg)
Foto: ashyq derekkóz
Nazarbaev mektebinde bolǵan daýǵa bailanysty Oqý-aǵartý ministrligi resmi málimdeme jasady, dep habarlaidy Ult.kz.
Almatydaǵy Nazarbaev Ziiatkerlik mektebinde baqylaý kezinde oqýshy emtihan aýditoriiasyna telefon alyp kirip, erejeni buzǵan. Muǵalim onyń jumysyn jaramsyz dep tanyp, qurylǵyny tárkilegen. Sol sátte oqýshy muǵalimge dóreki sózder aitqan. 23 mamyrda pedagogikalyq keńestiń sheshimimen oqýshy mektepten shyǵaryldy. Mundai sheshim onyń ishki tártip pen etika erejelerin buzǵany úshin qabyldanǵan.
Bul jaǵdai tek mektep ishinde emes, áleýmettik jelide de qyzý talqyǵa tústi. Biri mektep bitirip jatqan túlektiń bolashaǵyna balta shabý dese, basqasy oqýshynyń áreketi zańǵa qaishy ekenin, mekteptiń sheshimi durys ekenin aitty.
Oqý-aǵartý ministrliginiń resmi ókili Mereke Amangeldiqyzy ustazdyń mártebesi zańmen bekitilgenin, onyń qoǵamdaǵy róli airyqsha ekenin atap ótti.
"Muǵalim – jas urpaqtyń tárbieshisi jáne jol kórsetýshisi. Sondyqtan ata-ana men oqýshy tarapynan oǵan qurmet kórsetý – bul adamgershiliktiń belgisi. Bilimge senim – ony berip otyrǵan ustazǵa senýden bastalady. Muǵalim bedeline nuqsan keltirý búkil júiege áser etedi," – deidi ol.
Mereke Amangeldiqyzy sońǵy sheshimdi NZM basshylyǵy ózi qabyldaitynyn jetkizdi.
"Osy rette Oqý-aǵartý ministrligi pedagogtiń qadir-qasietin tómendetetin kez kelgen áreketke qatań syn kózqaraspen qaraidy. Sonymen qatar, bul oqiǵada oqýshy óz qateligin túsinip, ókinish bildirip otyr. Endi NZM bul jaǵdaidy tek ishki tártippen ǵana emes, sondai-aq adamgershilik, keshirimdilik pen naǵyz ustazdyq ustanymdarǵa súiene otyryp sheshedi dep úmittenemiz. Oqý-aǵartý ministri Ǵani Beisembaev bul máselege ózi jiti nazar aýdaryp, tiisti tapsyrmalar berdi. Ministrdiń nusqaýyna sáikes atalǵan máselemen Balalardyń quqyqtaryn qorǵaý komitetiniń jáne aimaqtyq departamenttiń ókilderi ainalysady. Ministr "NZM" basqarma tóraǵasy Ánýar Janǵozinmen sóilesti. Basqarma tóraǵasy máseleni jeke qolǵa alǵandyǵyn, jaǵdaidy jan-jaqty qarap, ne bolǵanyn ádil baǵalap, durys sheshim qabyldaitynyna sendirdi", – delingen habarlamada.
