Memleket basshysy Mańǵystaý oblysynyń ákimi Eraly Toǵjanovty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Baspasóz málimetterine qaraǵanda, kezdesýde Nursultan Nazarbaevqa óńirdiń áleýmettik-ekonomikalyq damýy jáne Kaspii mańy memleketteri basshylarynyń sammitine daiyndyq barysy jóninde esep berildi.
Qazaqstan Prezidenti sammitti ótkizýge tyńǵylyqty daiyndalý qajettigin aitty.
«Aqtaýda bes eldiń delegatsiialary qatysatyn Kaspii mańy memleketteri basshylarynyń sammitin ótkizý josparlanýda. Osy kezdesýge qatysty barlyq uiymdastyrý máselelerin pysyqtaý kerek», - dedi Nursultan Nazarbaev.
Sonymen qatar Eraly Toǵjanov óndiris, qurylys, aýyl sharýashylyǵy jáne investitsiia tartý salalaryndaǵy memlekettik jáne salalyq baǵdarlamalardyń júzege asyrylý barysyn baiandady.
«Negizgi ekonomikalyq kórsetkishterdiń ósimi baiqalyp otyr. Sizdiń qoiǵan mindetterińizdiń bári iske asyrylýda. 2017 jyldyń qorytyndysy boiynsha óńirdegi óndiristiń kólemi 100,1 paiyzǵa jetti», - dedi Mańǵystaý oblysynyń ákimi.
Kezdesý sońynda Memleket basshysy birqatar naqty tapsyrma berdi.
.jpeg)