Qazaqstannyń Tuńǵysh Prezidenti Nursultan Nazarbaev MAGATE-niń bas direktory Iýkiia Amanonyń qaitys bolýyna bailanysty kóńil aitý jedelhatyn joldady.
Nazarbaev Atom energiiasy jónindegi halyqaralyq agenttiktiń bas direktory Iýkiia Amanonyń qaitys bolǵany týraly habardy zor kúizelispen qabyldady, dep habarlady Elbasynyń resmi saity.
"Qazaqstan Respýblikasy men Atom energiiasy jónindegi halyqaralyq agenttik arasyndaǵy tyǵyz yntymaqtastyq Iýkiia Amanonyń jan-jaqty qoldaýynyń arqasynda múmkin boldy. Qaiǵylaryńyzǵa ortaqtasa otyryp, Amano myrzanyń otbasyna, agenttik ujymyna jáne Japon úkimetine kóńil aitamyn", - delingen jedelhatta.
Nazarbaev Iýkiia Amanony bedeldi jáne halyqaralyq qaýipsizdiktiń nyǵaiýyna orasan zor eńbek sińirgen tarihi tulǵa retinde árdaiym este saqtaitynyn atap ótti.
