قازاقستاننىڭ تۇڭعىش پرەزيدەنتٸ نۇرسۇلتان نازارباەۆ ماگاتە-نٸڭ باس ديرەكتورى يۋكييا امانونىڭ قايتىس بولۋىنا بايلانىستى كٶڭٸل ايتۋ جەدەلحاتىن جولدادى.
نازارباەۆ اتوم ەنەرگيياسى جٶنٸندەگٸ حالىقارالىق اگەنتتٸكتٸڭ باس ديرەكتورى يۋكييا امانونىڭ قايتىس بولعانى تۋرالى حاباردى زور كٷيزەلٸسپەن قابىلدادى, دەپ حابارلادى ەلباسىنىڭ رەسمي سايتى.
"قازاقستان رەسپۋبليكاسى مەن اتوم ەنەرگيياسى جٶنٸندەگٸ حالىقارالىق اگەنتتٸك اراسىنداعى تىعىز ىنتىماقتاستىق يۋكييا امانونىڭ جان-جاقتى قولداۋىنىڭ ارقاسىندا مٷمكٸن بولدى. قايعىلارىڭىزعا ورتاقتاسا وتىرىپ, امانو مىرزانىڭ وتباسىنا, اگەنتتٸك ۇجىمىنا جەنە جاپون ٷكٸمەتٸنە كٶڭٸل ايتامىن", - دەلٸنگەن جەدەلحاتتا.
نازارباەۆ يۋكييا امانونى بەدەلدٸ جەنە حالىقارالىق قاۋٸپسٸزدٸكتٸڭ نىعايۋىنا وراسان زور ەڭبەك سٸڭٸرگەن تاريحي تۇلعا رەتٸندە ەردايىم ەستە ساقتايتىنىن اتاپ ٶتتٸ.
