Qazaqstan Prezidenti Mádeniet jáne sport ministri Arystanbek Muhamediulyn qabyldady, - dep habarlaidy "Ult aqparat" Aqordaǵa silteme jasap.
Kezdesý barysynda Elbasyǵa Almatyda ótken Dúniejúzilik qysqy ýniversiadanyń uiymdastyrylýy jóninde esep berildi.
"Qazaqstan 2017 jylǵy Ýniversiadany tiisti deńgeide ótkizdi. Bul jarysta bizdiń sportshylarymyz ózderiniń sheberlikterin tanytyp, joǵary nátijeler kórsetip, óskeleń urpaqqa úlgi bola bildi", - dedi Nursultan Nazarbaev.
Mádeniet jáne sport ministri Qazaqstan Prezidentine qysqy saiystar qorytyndylary men buqaralyq sportty odan ári damytý jolynda qabyldanyp jatqan sharalar týraly baiandady.
"Qazirgi ýaqytta ministrlik Japoniiada ótetin qysqy Aziada men 2018 jyly Koreia Respýblikasynda ótetin Olimpiialyq oiyndarǵa daiyndyq jumystaryn júrgizip jatyr", - dedi Muhamediuly.
Sondai-aq, Elbasy klassikalyq ónerdi, kino indýstriiasyn odan ári damytýdyń, jas daryndardy qoldaýdyń mańyzdylyǵyn atap ótti.
Memleket basshysy kezdesý qorytyndysy boiynsha birqatar tapsyrma berdi.
.jpeg)