Qazaqstan Prezidenti «Lýkoil» munai kompaniiasynyń prezidenti Vagit Alekperovpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda munai-gaz salasyndaǵy investitsiialyq yntymaqtastyqty odan ári damytý máseleleri talqylandy.
Memleket basshysy «Qazmunaigaz» jáne «Lýkoil» kompaniialary arasyndaǵy seriktestik qarym-qatynastardyń tiimdiligin jáne onyń jaqsy damyp kele jatqanyn atap ótti.
– Biz «Lýkoil» kompaniiasymen burynnan birge jumys istep kelemiz. Kompaniialaryńyz – Reseidegi iri kásiporyndardyń biri. Sondai-aq, sizder Reseidiń Qazaqstandaǵy mańyzdy investorlarynyń biri sanalasyzdar. «Lýkoil» bizdiń ekonomikamyzǵa 9 milliard AQSh dollaryna jýyq investitsiia bóldi, – dedi Nursultan Nazarbaev.
Qazaqstan Prezidenti Resei kompaniiasymen investitsiialyq yntymaqtastyqty odan ári nyǵaitýǵa niettestik bildirdi.
Áńgimelesý barysynda Memleket basshysyna Kaspii teńiziniń Qazaqstanǵa tiesili bóligindegi kómirsýtegi shikizatyn barlaý jáne óndirý jónindegi «Jeńis» jobasyn birlese iske asyrýǵa qatysty jospar týraly egjei-tegjeili baiandaldy.
«Lýkoil» munai kompaniiasynyń prezidenti Qazaqstan aýmaǵyndaǵy jaǵarmai materialdaryn shyǵaratyn zaýyttyń qurylys jumystarynyń nátijeleri jóninde Nursultan Nazarbaevqa málimet berdi.
– Kásiporynnyń josparlanǵan qýaty jylyna 100 myń tonna bolady. Zamanaýi zaýyt jaǵarmai materialdarynyń barlyq túrin, atap aitqanda, 700 ónimdi túrli ataýlarmen shyǵaratyn bolady, – dedi V.Alekperov.
Kezdesý barysynda ozyq tehnologiialardy qoldana otyryp, jańa kómirsýtegilerdiń ken oryndaryn izdeý úshin birlesken jumystar júrgizý, sondai-aq Qazaqstan Respýblikasy Energetika ministrligi ázirlep jatqan 2021-2025 jyldarǵa arnalǵan geologiialyq barlaý baǵdarlamasyn júzege asyrý isine Resei kompaniialarynyń atsalysý máselesi talqylandy.
