Elbasy Aleksandr Lýkashenkoǵa Belarýs Respýblikasynyń Prezidenti qyzmetine qaita sailanýyna bailanysty quttyqtaý jedelhatyn joldady. Bul týraly "Ult aqparat" elbasy.kz saityna silteme jasap habarlaidy.
«Belarýs halqy Sizdiń kandidatýrańyzǵa daýys bere otyryp, ekonomikalyq reformalar saiasatyn jalǵastyrýdy, halyqtyń áleýmettik ál-aýqatyn arttyrýdy jáne Belarýs Respýblikasynyń halyqaralyq bedeliniń nyǵaia túsýin qoldaitynyn taǵy bir márte rastady.
Dostyq pen ózara qurmet dástúrlerine negizdelgen Qazaqstan-Belarýs strategiialyq seriktestigin damytýǵa qosqan Sizdiń jeke úlesińizdi erekshe atap ótkim keledi. Bul rette Qazaqstan Belarýspen ekijaqty formatta da, Eýraziialyq ekonomikalyq odaq aiasynda da bailanystardy keńeitý jáne tereńdetý isin jalǵastyrýdy kózdep otyr.
Men senimge jáne ózara túsinistikke negizdelgen dostyǵymyzdy qadirleimin ári ony joǵary baǵalaimyn. Bizdiń ótken jyldardaǵy birlesken jemisti jumysymyz ári qarai da eki el halyqtarynyń igiligi jolynda kóptarapty yntymaqtastyqty damytý úshin berik negiz bola alatynyna senimdimin», - delingen jedelhatta.
