Memleket basshysy Nursultan Nazarbaev otandyq BAQ ókilderine bergen suhbatynda Qazaqstan men Qytaidyń qazirgi qarym-qatynasy týraly pikir bildirdi, dep habarlaidy "Ult aqparat".
Prezident Qazaqstanǵa jumys isteýge kelgen Qytai azamattarynan qoryqpaý qajettigin aitty.
«Qytai men Qazaqstannyń qazirgi qarym-qatynasy joǵary deńgeide. Odan qorqatyn eshteńe joq. Tarih bizden bastalǵan joq, bizben aiaqtalmaidy. Myń jyldan astam tarihymyzda qansha adamdar, qansha ulttar quryp, joǵalyp, sińip ketkenderi tolyp jatyr. «Qara qytai qaptasa, sary orys naǵashyńdai bolady» degen maqal bar. Ony aityp jatqandary durys emes. Men osynda ne qarap otyrmyn sony qaramai? Jappai bizge kelip jatqany, qaptap jatqany, basyp jatqany joq. Onyń barlyǵy zańmen, kelissózben kelisilgen. Óndiris salatyn bolsa, mysaly bizde joq mamandar - 500 adam keledi, tizim beremiz. Zaýyt bitken soń, 500 adam qaitady. Ol kelisilgen másele, bir adam da qalmaidy», - dedi Prezident.
Sonymen birge, Prezident 200 mln-nan astam qytaidyń basqa elderde turatynyn, kóptegen qalalarda chainataýn bar ekenin atap ótip, Qazaqstanda ondai aýdandardyń joq ekenin aitty.
«Qazir Qytai - Amerikadan keiingi ekinshi oryndaǵy óte myqty, órkendep ósip kele jatqan el. Tehnologiia men tehnikasyn birge alyp kele jatyr. Aqparattyq tehnologiia, jasandy intellekt, kompiýterlik tehnologiialar - barlyq jaǵynan Qytai ozyp ketpese, birdei kele jatyr. Sondyqtan, olarǵa jasap jatqan qysymnyń barlyǵy - sony ary qarai boldyrmaý úshin, bir jaǵy seskengennen», - dedi ol.
Elbasy Batysqa shyǵatyn joldyń Resei arqyly, shyǵysqa jol - Qytai arqyly júretinin eske salyp, kórshiles eldermen barynsha tyǵyz qarym-qarynas ornatý qajettigin basa aitty.
«Sondyqtan, biz qoldan kelgenshe, Si Tszinpin myrzanyń «Bir beldeý - bir jolyn» qoldap otyrmyz. Ol bizdiń «Nurly jol», «Jańa Jibek jolynyń» jalǵasy bolyp sanalady. Sonyń arqasynda barlyq infraqurylymdy jasap jatyrmyz. 60-qa jýyq jańa óndiris oryndaryn Qazaqstanda salýdy aittym. Jai emes, búgingi zamanǵa sai óndiris bolýy kerek. Olardyń eskisin alaiyn dep otyrǵan joqpyz. Sodan keiin bizdiń jastarymyzdyń Qytaida oqý máselesi. Qarym-qatynas bolǵandyqtan, aǵylshyn tilinen keiin jastarǵa Qytai tilin bilý kerek. Ashyǵynan, shynymen aitqanda eshqandai qaýip joq dep sanaimyn. Kerisinshe, jumysymyzdy kóbeitýimiz kerek. Qytaimen qarym-qatynasty nyǵaitamyz, kórshilik jaǵdaiymyzdy túzei beremiz. Integratsiiany júrgize beremiz», - dep óz sózin túiindedi Nursultan Nazarbaev.
