مەملەكەت باسشىسى نۇرسۇلتان نازارباەۆ وتاندىق باق ٶكٸلدەرٸنە بەرگەن سۇحباتىندا قازاقستان مەن قىتايدىڭ قازٸرگٸ قارىم-قاتىناسى تۋرالى پٸكٸر بٸلدٸردٸ, دەپ حابارلايدى "ۇلت اقپارات".
پرەزيدەنت قازاقستانعا جۇمىس ٸستەۋگە كەلگەن قىتاي ازاماتتارىنان قورىقپاۋ قاجەتتٸگٸن ايتتى.
«قىتاي مەن قازاقستاننىڭ قازٸرگٸ قارىم-قاتىناسى جوعارى دەڭگەيدە. ودان قورقاتىن ەشتەڭە جوق. تاريح بٸزدەن باستالعان جوق, بٸزبەن اياقتالمايدى. مىڭ جىلدان استام تاريحىمىزدا قانشا ادامدار, قانشا ۇلتتار قۇرىپ, جوعالىپ, سٸڭٸپ كەتكەندەرٸ تولىپ جاتىر. «قارا قىتاي قاپتاسا, سارى ورىس ناعاشىڭداي بولادى» دەگەن ماقال بار. ونى ايتىپ جاتقاندارى دۇرىس ەمەس. مەن وسىندا نە قاراپ وتىرمىن سونى قاراماي? جاپپاي بٸزگە كەلٸپ جاتقانى, قاپتاپ جاتقانى, باسىپ جاتقانى جوق. ونىڭ بارلىعى زاڭمەن, كەلٸسسٶزبەن كەلٸسٸلگەن. ٶندٸرٸس سالاتىن بولسا, مىسالى بٸزدە جوق ماماندار - 500 ادام كەلەدٸ, تٸزٸم بەرەمٸز. زاۋىت بٸتكەن سوڭ, 500 ادام قايتادى. ول كەلٸسٸلگەن مەسەلە, بٸر ادام دا قالمايدى», - دەدٸ پرەزيدەنت.
سونىمەن بٸرگە, پرەزيدەنت 200 ملن-نان استام قىتايدىڭ باسقا ەلدەردە تۇراتىنىن, كٶپتەگەن قالالاردا چايناتاۋن بار ەكەنٸن اتاپ ٶتٸپ, قازاقستاندا ونداي اۋدانداردىڭ جوق ەكەنٸن ايتتى.
«قازٸر قىتاي - امەريكادان كەيٸنگٸ ەكٸنشٸ ورىنداعى ٶتە مىقتى, ٶركەندەپ ٶسٸپ كەلە جاتقان ەل. تەحنولوگييا مەن تەحنيكاسىن بٸرگە الىپ كەلە جاتىر. اقپاراتتىق تەحنولوگييا, جاساندى ينتەللەكت, كومپيۋتەرلٸك تەحنولوگييالار - بارلىق جاعىنان قىتاي وزىپ كەتپەسە, بٸردەي كەلە جاتىر. سوندىقتان, ولارعا جاساپ جاتقان قىسىمنىڭ بارلىعى - سونى ارى قاراي بولدىرماۋ ٷشٸن, بٸر جاعى سەسكەنگەننەن», - دەدٸ ول.
ەلباسى باتىسقا شىعاتىن جولدىڭ رەسەي ارقىلى, شىعىسقا جول - قىتاي ارقىلى جٷرەتٸنٸن ەسكە سالىپ, كٶرشٸلەس ەلدەرمەن بارىنشا تىعىز قارىم-قارىناس ورناتۋ قاجەتتٸگٸن باسا ايتتى.
«سوندىقتان, بٸز قولدان كەلگەنشە, سي تسزينپين مىرزانىڭ «بٸر بەلدەۋ - بٸر جولىن» قولداپ وتىرمىز. ول بٸزدٸڭ «نۇرلى جول», «جاڭا جٸبەك جولىنىڭ» جالعاسى بولىپ سانالادى. سونىڭ ارقاسىندا بارلىق ينفراقۇرىلىمدى جاساپ جاتىرمىز. 60-قا جۋىق جاڭا ٶندٸرٸس ورىندارىن قازاقستاندا سالۋدى ايتتىم. جاي ەمەس, بٷگٸنگٸ زامانعا ساي ٶندٸرٸس بولۋى كەرەك. ولاردىڭ ەسكٸسٸن الايىن دەپ وتىرعان جوقپىز. سودان كەيٸن بٸزدٸڭ جاستارىمىزدىڭ قىتايدا وقۋ مەسەلەسٸ. قارىم-قاتىناس بولعاندىقتان, اعىلشىن تٸلٸنەن كەيٸن جاستارعا قىتاي تٸلٸن بٸلۋ كەرەك. اشىعىنان, شىنىمەن ايتقاندا ەشقانداي قاۋٸپ جوق دەپ سانايمىن. كەرٸسٸنشە, جۇمىسىمىزدى كٶبەيتۋٸمٸز كەرەك. قىتايمەن قارىم-قاتىناستى نىعايتامىز, كٶرشٸلٸك جاعدايىمىزدى تٷزەي بەرەمٸز. ينتەگراتسييانى جٷرگٸزە بەرەمٸز», - دەپ ٶز سٶزٸن تٷيٸندەدٸ نۇرسۇلتان نازارباەۆ.
