Nazarbaev qory britandyq Telegraph, OpenDemocracy jáne Bureau of Journalism basylymdaryn «Qazaqstannyń burynǵy prezidenti Nursultan Nazarbaevtyń kommertsiialyq emes uiym arqyly 7,8 milliard dollar aktivin qalai basqaratyny týraly jariialanymdarymen jala japty» degen aiyppen sotqa berdi, dep habarlaidy Ulysmedia.kz portaly The Guardian-ge silteme jasap.
Mamyr-tamyz ailary aralyǵynda basylymdar men biýrolarǵa materialdarynyń durys emestigi jóninde birneshe «aldyn ala hat» túsken.
16 tamyzda Angliianyń Joǵarǵy sotyna Nazarbaev Qory men Ulybritaniiadaǵy Companies House-te tirkelgen Jusan Technologies kompaniiasynyń atynan talap aryz túsken. Talapkerler tergeýde kórsetilgen faktilerdi joqqa shyǵarýdy, sondai-aq keltirilgen zalaldy óteýdi talap etedi.
«Sotta keltirilgen habarlamalar ótirik ekenin dáleldeitin ýaqytty asyǵa kútip júrmiz. Biz Nazarbaev myrzaǵa baǵynbaimyz jáne ol kisiniń baqylaýynda emespiz. Oǵan paidamyz tiip jatqan joq», - deidi qor men Jusan Technologies múddelerin qorǵaityn Boies Schiller Flexner zańgerlik firmasy.
Jýrnalistik zertteý biýrosy men OpenDemocracy qorǵaýshy zańgerler sot jumysyna yqpal ete me qaýiptenedi. Aryzda kórsetilnen somalar «qarjylyq jaǵynan kúiretip ketýge qaýqarly ekeni» jazylǵan. Eki basylym búginge deiin bul iske bailanysty ondaǵan myń fýnt aqsha jumsaǵan.
