Beibitshilik pen qoǵamdyq kelisimdi qamtamasyz etý - ol úlken bailyǵymyz. Bul týraly Nursultan Nazarbaev Qazaqstan halqyna arnalǵan Joldaýynda málim etti, dep habarlaidy QazAqparat.
«2019 jylǵy jumystarǵa arnalǵan Joldaýdy búgin jariialaimyn. Biz táýelsizdik jyldarynda sizdermen birge kóp jumys atqardyq. Ekonomikasy qarqyndy damyp kele jatqan zamanaýi progressivti memleket quryp, beibitshilik pen qoǵamdyq kelisimdi qamtamasyz ettik, bul - úlken bailyǵymyz. Sapaly ári tarihi mańyzy zor qurylymdyq konstitýtsiialyq jáne saiasi reformalar júrgizdik. Qazaqstannyń halyqaralyq bedeliniń artýyna onyń óńirlegi geosaiasi rólin joǵarylatý úshin eleýli jetistikterge qol jetkizdik», - dedi Prezident.
Osy oraida Memleket basshysy óńirlik jáne jahandyq problemalardy sheshý isindegi jaýapty ári qalaýly halyqaralyq áriptes retinde elimizdi dúniejúzi tanitynyn atap ótti.
«Qazaqstan TMD jáne Ortalyq Aziia elderi arasynda EKSPO-2017 halyqaralyq kórmesin ótkizý úshin álemdik qoǵamdastyq tańdap alǵan birinshi memleket boldy. Biz tuńǵysh ret TMD memleketteri arasynda EQYU keńesin ótkizip, arnaiy málimdeme qabyldadyq. Myna ǵasyrda eshkim osyndai jiynǵa qol jetkizgen joq, 57 memlekettik basshylary jinaldy», - dedi QR Prezidenti.
Sonymen qatar Elbasy búkil álemdegi islam memleketteriniń basshylaryn jinap, birneshe ret Qazaqstanda úlken jiyndar ótkenin eske salyp ótti.
.jpeg)