Memleket basshysy Finliandiia Respýblikasyna resmi saparynyń sońynda «Hietaniemi» memorialdy keshenindegi Karl Mannergeim beiitine jáne fin soldattarynyń baýyrlastar ziratyna ornatylǵan «Batyrlar kresi» eskertkishine gúl shoǵyn qoiyp, fin halqynyń qaza tapqan perzentteriniń rýhyna taǵzym etti, dep habarlaidy "Ult aqparat" Aqordaǵa silteme jasap.
Gúl shoǵyn qoiý saltanatty rásimine Qazaqstannyń resmi delegatsiiasy músheleri de qatysty.
Qalanyń Tioiole aýdanynda ornalasqan «Hietaniemi» memorialdy kesheniniń irgetasy 1829 jyly qalanyp, búgingi kúnge deiin ómirden ozǵan azamattardyń jer qoinyna tapsyrý orny sanalady. «Hietaniemi» sózin fin tilinen aýdarǵanda «qumdy burym» degen maǵyna beredi. Memorialdy keshen mundai ataýǵa Helsinkidiń ortalyǵynda ornalasqan múiiste bolýyna orai alyp otyr. Keshende liýteran, islam, pravoslav jáne evrei zirattary bar.
«Hietaniemide» 1939-1940, 1941-1944 jáne 1944-1945 jyldardaǵy soǵysta qaza tapqan jaýyngerlerdiń zirattaryn qamtityn áskeri keshen de bar. Keshenniń dál ortasynda belgisiz jaýynger men marshal Karl Mannergeimniń ziraty ornalasqan.
Búginge deiin memorialdy keshen aýmaǵyna Finliandiianyń 7 prezidenti, tanymal sýretshiler, kompozitorlar, jazýshylar, saiasattanýshylar jerlengen.
