Qazaqstan Respýblikasynyń Tuńǵysh Prezidenti - Elbasy Halyqaralyq Túrki akademiiasynyń prezidenti Darhan Qydyrálini qabyldady, dep habarlaidy "Ult aqparat".
Kezdesýde Nursultan Nazarbaevqa Halyqaralyq Túrki akademiiasynyń qazirgi qyzmeti jáne aldaǵy jumys jospary týraly málimdeldi.
Áńgimelesý barysynda D.Qydyráli Túrkitildes memleketter yntymaqtastyǵy keńesiniń otyrysynda berilgen tapsyrmalardyń oryndalýy týraly baiandady.
Halyqaralyq Túrki akademiiasynyń prezidenti, sondai-aq, «Rýhani jańǵyrý» jáne «Uly dalanyń jeti qyry» atty baǵdarlamalyq maqalalardyń negizgi baǵyttarynyń júzege asyrylý barysy jóninde aqparat berdi.
Sonymen qatar, D.Qydyráli Elbasy Nursultan Nazarbaevqa túrki áleminiń tarihyna jáne táýelsiz Qazaqstannyń damýyna arnalǵan birneshe kitap pen týyndyny tanystyrdy.
