Nursultan Nazarbaev Sheteldik investorlar keńesiniń plenarlyq otyrysy aiasynda birqatar ekijaqty kezdesý ótkizdi, dep habarlaidy Aqordanyń baspasóz qyzmeti.
Memleket basshysy Sheteldik investorlar keńesiniń plenarlyq otyrysyna qatysý kezinde birqatar halyqaralyq kompaniia basshylarymen birlesken kelissózder júrgizdi.
Atap aitqanda, Qazaqstan Prezidenti «Eni S.p.A.» kompaniiasynyń bas atqarýshy direktory Klaýdio Deskaltsimen, «Roiial Datch Shell» kontserniniń bas atqarýshy direktory Ben van Berdenmen jáne «LÝKOIL» kompaniiasynyń prezidenti Vagit Alekperovpen áńgimelesti.
Kelissózder barysynda kompaniialardyń Qazaqstannyń munai-gaz salasyndaǵy qyzmetiniń negizgi baǵyttary talqylanyp, Qarashyǵanaq pen Qashaǵan ken oryndaryn igerý úderisin odan ári úilestirý men josparlaýdyń ózekti aspektileri qaraldy.
Kompaniialar basshylary Sheteldik investorlar keńesiniń jumysy tabysty ekenin atap ótip, Nursultan Nazarbaevqa respýblikada qolaily investitsiialyq ahýal jasaǵany úshin alǵys aitty.
