Memleket basshysy "Astana" halyqaralyq qarjy ortalyǵynyń basqarýshysy Qairat Kelimbetovti qabyldady, - dep habarlaidy "Ult aqparat" Aqordaǵa silteme jasap.
Kezdesýde Elbasyǵa álemniń úzdik tájiribelerin paidalaný arqyly qurylyp jatqan halyqaralyq qarjy ortalyǵyn iske qosýǵa ázirlik jumystary jóninde málimdeldi.
Qazaqstan Prezidentine 2018 jylǵy qańtarda ashylatyn "Astana" halyqaralyq qarjy ortalyǵynyń Táýelsiz soty men Halyqaralyq arbitrajdyq ortalyqtyń normativtik qujattaryn daiyndaý jumysy aiaqtalǵany týraly baiandaldy.
Sondai-aq, Qairat Kelimbetov Nursultan Nazarbaevqa ortalyqty damytýdyń negizgi baǵyttary jóninde málimdep, "Astana" halyqaralyq qarjy ortalyǵynyń joǵary tehnologiialyq birjasyn qurý barysy týraly aitty.
"Astana" halyqaralyq qarjy ortalyǵynyń basqarýshysy qazirgi ýaqytta Shanhai qor birjasymen jáne Nasdaq Inc. kompaniiasymen qarjy ortalyǵyn odan ári qalyptastyrýǵa jáne damytýǵa septigin tigizetin kelisimderge qol qoiylǵanyn atap ótti.
Elbasy usynylǵan esepti nazarǵa alyp, birqatar naqty tapsyrma berdi.
