Memleket basshysy otandyq BAQ ókilderimen suhbat barysynda elordanyń bolashaǵy týraly aityp ótti, dep habarlaidy "Ult aqparat".
«EKSPO-2017» halyqaralyq kórmesi men Ýniversiada siiaqty sharalarǵa salynǵan investitsiia qanshalyqty aqtaldy? Otandyq BAQ ókiliniń osyndai suraǵyna jaýap bere kele Memleket basshysy Astana qalasynyń bolashaǵyna qatysty oi-pikirin aityp ótti.
«Qandai da bir maqsat jolynda osyndai suraqtarǵa mán bere berseń, dittegen jerińe eshqashan jete almaisyń. Tek qana suraqtarǵa jaýap berýmen bolasyń. Mysaly, Astanany ne úshin kóshirdik? Buryn osy suraqty barlyǵy qoiatyn. Qazir million turyǵyny bar qalaǵa ainalǵan kezde, bul suraqty qoimaityn boldy. Sol siiaqty kez kelgen jańa bastama ońaishylyqpen júzege aspaidy. Ýaqyt ótedi, kóredi, sezinedi, sonda ǵana moiyndalady», - dedi Elbasy.
Osylai dei kele, Memleket basshysy Ýniversiadaǵa jumsalǵan qarjynyń aqtalǵanyn tilge tiek etti. Ýniverciadanyń arqasynda salynǵan eki muz aidyny, qanshama sport kesheni búginde halyqtyń igiligine qyzmet etýde. Ýniversiadadan keiin qysqy sport túrlerimen shuǵyldanǵysy keletin adamdardyń sany 60 paiyzǵa kóbeigen. Sonymen qatar, osynaý shara úshin 1748 páter salynsa, qazir ol páterler jyldar boiy kezekte turǵan almatylyqtarǵa berilýde. Iaǵni, osy turǵydan kelgende Ýniversiada el úshin úlken tabys ákelip otyr.
Sol sekildi elordanyń qurylysyna salynǵan qarjynyń orny da búginde eselep tolýda.
«Qazir Astana qalasy el biýdjetine jyl saiyn 1 trillion teńge ákeledi. Qala halqy tórt esege ósip, million turǵynǵa jetti. 25-30 jyldary munda 2 million halyq turady dep oilaimyn. Negizi men munda 500-550 myń halqy bar taza ákimshilik qala jasaǵym kelgen. EKSPO-ǵa qatysty aitatyn bolsaq 115 el qatysty. Biz josparlaǵannan eki ese artyq - 4 jarym million adam keldi. Eger apta saiyn, ai saiyn kelgen qazaqstandyqtardy eseptesek, 20 millionnan asyp ketedi. Barlyq nysan toly boldy. Barlyq shaǵyn jáne orta biznes obektileri osynyń arqasynda paida tapty. Demeýshiler qarjy berdi. Belgilengen qarjynyń jartysy únemdeldi. Astanada tamasha aýdan turǵyzdyq. Osynyń barlyǵy halqymyzǵa qyzmet etip tura bermek», - dedi Elbasy.
.jpeg)