Elbasy Nursultan Nazarbaev Qazaqstannyń Grýziiadaǵy elshisin taǵaiyndady, - dep habarlaidy "Ult aqparat" Aqordaǵa silteme jasap.
"Memleket basshysynyń Jarlyǵymen Baýyrjan Álimuly Muhametjanov Qazaqstan Respýblikasynyń Grýziiadaǵy Tótenshe jáne Ókiletti Elshisi bolyp taǵaiyndaldy, ol Qazaqstan Respýblikasynyń Litva Respýblikasyndaǵy Tótenshe jáne Ókiletti Elshisi qyzmetinen, Qazaqstan Respýblikasynyń Latviia Respýblikasyndaǵy Tótenshe jáne Ókiletti Elshisi qyzmetin qosa atqarýdan bosatyldy" delingen habarlamada.
Baýyrjan Álimuly Muhametjanov 1960 jyly 26 qarashada Jambyl oblysy Merke aýdanynyń Merke aýylynda týǵan.
1983 jyly S.M. Kirov atyndaǵy Qazaq memlekettik ýniversitetiniń zań fakýltetin bitirgen, zańger. Zań ǵylymdarynyń doktory.
1983 – 1990 jyldary — S.M. Kirov atyndaǵy Qazaq memlekettik ýniversitetiniń memleket jáne quqyq teoriiasy men tarihy kafedrasynda synaq merziminen ótýshi-zertteýshi, kafedra assistenti.
1990 – 1991 jyldary — QazKSR Joǵarǵy Keńesi Zańnama jáne quqyqtyq tártip máseleleri bóliminiń aǵa keńesshisi, zańdardyń oryndalýy jónindegi sektorynyń meńgerýshisi.
1991 – 1994 jyldary — Qazaqstan Respýblikasynyń Joǵarǵy Keńesi Quqyqtyq saraptama jáne taldaý máseleleri jónindegi bólim meńgerýshisiniń orynbasary, bólim meńgerýshisi, Tóraǵa hatshylyǵynyń meńgerýshisi.
1994 jyldyń aqpan aiynan maýsym aiyna deiin — Qazaqstan Respýblikasynyń Prezidenti jáne Ministrler kabineti Apparatynyń Zańnama bóliminiń meńgerýshisi.
1994 – 1997 jyldary — Qazaqstan Respýblikasynyń Prezidenti Ákimshiliginiń Zańnamalyq bastamalar jáne quqyqtyq saraptama bóliminiń meńgerýshisi, Zańnama jáne sot júiesi máseleleri bóliminiń meńgerýshisi.
1997 – 2000 jyldary — Qazaqstan Respýblikasynyń Ádilet ministri.
2000 – 2002 jyldary — Qazaqstan Respýblikasynyń Prezidenti Ákimshiligi jetekshisiniń orynbasary.2002 – 2003 jyldary — Qazaqstan Respýblikasy Premer-ministriniń orynbasary.
2003 – 2005 jyldary — Qazaqstan Respýblikasynyń Prezidenti Ákimshiligi jetekshisiniń orynbasary.
2005 – 2009 jyldary — Qazaqstan Respýblikasynyń Ishki ister ministri.
2009 – 2011 jyldary — Qazaqstan Respýblikasy Parlamenti Senatynyń depýtaty.
2011 – 2013 jyldary – Mańǵystaý oblysynyń ákimi.
2013 jyldan – Qazaqstan Respýblikasynyń Latviia Respýblikasyndaǵy Tótenshe jáne Ókiletti Elshisijáne Qazaqstan Respýblikasynyń Latviia Respýblikasyndaǵy Tótenshe jáne Ókiletti Elshisi mindetin qosa atqarýshy.
II, III dárejeli «Barys», «Parasat» ordenderimen, Qazaqstan Respýblikasynyń Medaldarymen jáne Qurmet gramotalarymen marapattalǵan. Úilengen, eki balasy bar.
