Memleket basshysynyń tóraǵalyǵymen Qaýipsizdik keńesiniń otyrysy ótti, dep habarlaidy "Ult aqparat" Aqordaǵa silteme jasap.
Jiyn barysynda syrtqy faktorlardyń ulttyq qaýipsizdik ahýalyna áseri jáne qorǵanys salasyndaǵy memlekettik saiasattyń iske asyrylýy jónindegi máseleler qaraldy.
– Qazaqstanǵa áser etetin syrtqy faktorlardyń bar ekenin bárimiz bilemiz. Solardyń ishinde Resei men AQSh arasyndaǵy sanktsiialyq teketires, Qytai men AQSh arasyndaǵy saýda shielenisi, Siriiadaǵy ahýal jáne basqa da jaǵdailar bar. Osyǵan bailanysty bizge máselelerdi talqylap, tiisti sharalar qabyldaý qajet, – dedi Qazaqstan Prezidenti.
Kún tártibindegi ekinshi máseleni talqylaý barysynda Qorǵanys ministri N.Ermekbaev Qarýly Kúshterdiń biylǵy oqý jylyndaǵy áskeri daiyndyǵynyń jáne ótkizilgen oqý-jattyǵýlardyń negizgi qorytyndylary, sondai-aq áskerdiń jaýyngerlik daiyndyǵyn arttyrý jóninde qabyldanyp jatqan sharalardyń nátijeleri týraly baiandama jasady.
Sonymen qatar, jiyn barysynda qorǵanys ónerkásibi kásiporyndaryn jańǵyrtý jáne qorǵanys ónimderiniń jańa túrleriniń óndirisin igerý jónindegi usynystar qarastyryldy.
Basqosý qorytyndysy boiynsha Nursultan Nazarbaev birqatar naqty tapsyrma berdi.
