مەملەكەت باسشىسىنىڭ تٶراعالىعىمەن قاۋٸپسٸزدٸك كەڭەسٸنٸڭ وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىن بارىسىندا سىرتقى فاكتورلاردىڭ ۇلتتىق قاۋٸپسٸزدٸك احۋالىنا ەسەرٸ جەنە قورعانىس سالاسىنداعى مەملەكەتتٸك ساياساتتىڭ ٸسكە اسىرىلۋى جٶنٸندەگٸ مەسەلەلەر قارالدى.
– قازاقستانعا ەسەر ەتەتٸن سىرتقى فاكتورلاردىڭ بار ەكەنٸن بەرٸمٸز بٸلەمٸز. سولاردىڭ ٸشٸندە رەسەي مەن اقش اراسىنداعى سانكتسييالىق تەكەتٸرەس, قىتاي مەن اقش اراسىنداعى ساۋدا شيەلەنٸسٸ, سيريياداعى احۋال جەنە باسقا دا جاعدايلار بار. وسىعان بايلانىستى بٸزگە مەسەلەلەردٸ تالقىلاپ, تيٸستٸ شارالار قابىلداۋ قاجەت, – دەدٸ قازاقستان پرەزيدەنتٸ.
كٷن تەرتٸبٸندەگٸ ەكٸنشٸ مەسەلەنٸ تالقىلاۋ بارىسىندا قورعانىس مينيسترٸ ن.ەرمەكباەۆ قارۋلى كٷشتەردٸڭ بيىلعى وقۋ جىلىنداعى ەسكەري دايىندىعىنىڭ جەنە ٶتكٸزٸلگەن وقۋ-جاتتىعۋلاردىڭ نەگٸزگٸ قورىتىندىلارى, سونداي-اق ەسكەردٸڭ جاۋىنگەرلٸك دايىندىعىن ارتتىرۋ جٶنٸندە قابىلدانىپ جاتقان شارالاردىڭ نەتيجەلەرٸ تۋرالى بايانداما جاسادى.
سونىمەن قاتار, جيىن بارىسىندا قورعانىس ٶنەركەسٸبٸ كەسٸپورىندارىن جاڭعىرتۋ جەنە قورعانىس ٶنٸمدەرٸنٸڭ جاڭا تٷرلەرٸنٸڭ ٶندٸرٸسٸن يگەرۋ جٶنٸندەگٸ ۇسىنىستار قاراستىرىلدى.
باسقوسۋ قورىتىندىسى بويىنشا نۇرسۇلتان نازارباەۆ بٸرقاتار ناقتى تاپسىرما بەردٸ.
