Memleket basshysy N.Á.Nazarbaev qazaqstandyqtardy Oraza ait merekesimen quttyqtady.
Qurmetti otandastar!
Barshańyzdy qasietti Oraza ait merekesimen quttyqtaimyn!
Bul meiram kúlli musylman úmbeti úshin mańyzdy Ramazan aiynyń aiaqtalǵanyn bildiredi. Ejelden islamǵa tán qundylyqtar – beibitsúigishtik, janashyrlyq pen baýyrmaldyqtyń tereń mán-maǵynasy osy shýaqty kúnderde aiqyn seziledi.
Oraza aitta shyn júrekten aq tilek aitylyp, ár adam adami qarym-qatynastyń jylylyǵy men ainalasyndaǵylardyń qamqorlyǵyn seziný úshin qaiyrymdylyq sharalary jasalady. Izgi niet pen igi ister qoǵamda ózara túsinistiktiń ornaýyna, halqymyzdyń tatýlyǵy men aýyzbirshiligin nyǵaitýǵa septigin tigizedi. Bul – elimizdiń odan ári turaqty jáne senimdi damýynyń basty kepili.
Birlik pen tatýlyq júregimizde árdaiym beibitshilik pen jasampazdyqtyń jylýyn uialatsyn!
Osy merekege orai barsha qazaqstandyqtarǵa zor densaýlyq pen baq-bereke tileimin!
Oraza ait qabyl bolsyn!
