Qazaqstannyń Tuńǵysh Prezidenti Nursultan Nazarbaev qazaqstandyqtardy Ramazan aiynyń bastalýymen quttyqtady, - dep habarlaidy "Ult aqparat" Elbasy.kz saityna silteme jasap.
"Qurmetti otandastar! Barshańyzdy qasietti Ramazan aiynyń bastalýymen shyn júrekten quttyqtaimyn!
Kúlli álem musylmandary úshin airyqsha oryn alatyn bul ai islamnyń eń basty qundylyqtary - jaqsylyq pen meiirimdilikti, sabyr men imandylyqty dáripteidi. Bul ideialar dini men ultyna qaramastan tutas halqymyzdyń birligin bekemdei túseri sózsiz.
Qasietti Ramazan aiynda sizderge zor densaýlyq, rýhani kúsh-qýat, baq-bereke tileimin!" - dedi Nursultan Nazarbaev.
