Nursultan Nazarbaev «BSB» Qarjy-ónerkásip korporatsiiasy» jaýapkershiligi shekteýli seriktestiginiń prezidenti Rashit Sarsenovke «Qazaqstan Respýblikasynyń Tuńǵysh Prezidenti – Elbasy Nursultan Nazarbaev» ordenin tabys etti, dep habarlaidy QazAqparat.
«Qazaqstannyń Tuńǵysh Prezidenti ordendi tapsyra otyryp, otandyq biznesmenniń elimizdi damytý jáne órkendetý isindegi eńbegin erekshe atap ótti», - delingen Elbasy saitynda.
Rashit Temirbolatuly Sársenov – qazaqstandyq kásipker. 1949 jyly Kókshetaýda týǵan.
1992 jyldan beri "BSB" korporatsiiasynyń prezidenti.
Forbes Kazakhstan reitingi boiynsha ol Qazaqstannyń 50 bai biznesmeniniń qataryna kiredi. 2020 jyldyń qazanynda onyń dáýleti 632 million dollarǵa baǵalandy.
Ashyq derekkózderge súiensek, Sársenovke "Nurbank" AQ aktsiialarynyń 85%-i, "Viktoriia" saqtandyrý kompaniiasynyń 100%-i jáne Helios janar-jaǵarmai quiý stantsiialary jelisi tiesili.
