Qazaqstanda jumys istegen adam jaman turmaidy. Bul týraly Aqtóbege ekikúndik jumys saparyn qorytyndylaǵan Memleket basshysy Nursultan Nazarbaev aitty, dep habarlaidy QazAqparat tilshisi.
Elbasy «Ásem» bilim berý-saýyqtyrý ortalyǵyn aralap kórgennen keiin oblysta atqarylyp jatqan jumystarǵa baǵasyn berdi.
«Aqtóbe oblysyna saparym aiaqtaldy. Ýaqyttyń tyǵyzdyǵyna bailanysty aýdandarǵa bara almai, tek qalany araladym. Kórgenim jaqsy áser qaldyrdy. Oblysta Joldaýdaǵy tapsyrmalar oryndalýda. «7-20-25» baǵdarlamasy aiasynda turǵyn úi qurylysy júrip jatyr. Alǵashqy páterler berildi. Sporttyq, mádeni nysandar salynýda. Ekonomikalyq damý bar, 5 paiyzdyq ósim jaqsy kórsetkish. Oftalmologiialyq ortalyqta bolyp, adamdarmen kezdestim, olardyń kóńil-kúiin bildim. Atqarýshy biliktiń jumysyna oń baǵa beremin. Aqtóbege jyl saiyn kelip, kezdesip turamyn. Oblysta kóp jumys atqarylyp jatyr. Adam ómiriniń jaqsy bolýy memlekettiń ekonomikasyna bailanysty. Gaz bar, úi qurylysy júrip jatyr. Aldaǵy ýaqytta ishki jol salynady. Degenmen, kemshilikter de bar. Joldaýda aitylǵan tapsyrmaǵa sai eń tómengi jalaqy 1,5 ese kóbeiedi, adamdardyń jaǵdaiy túzeledi. Barlyǵy túzelýi úshin jumys isteýimiz kerek. Qazaqstanda jumys istegen adam jaman turmaidy», - dedi Prezident Nursultan Nazarbaev.
Budan keiin Prezident «Astana» jańa saiabaǵyn aralap kórdi. Munda halyq demalysy úshin barlyq jaǵdai jasalǵan. Sondai-aq «Han Shatyr» saýda, oiyn-saýyq ortalyǵynyń shaǵyn maketi, sýburqaq ornatylǵan.
Eske salsaq, keshe Memleket basshysy Aqtóbege jumys saparymen keldi. «Aiala» balalardy saýyqtyrý ortalaǵyna baryp, «Baqytty bala» jobasy aiasynda iske asyrylǵan jumystarmen tanysty. Sonymen qatar Tennis ortalyǵyna bardy.
Óńirdiń ekonomikalyq-áleýmettik damý kórsetkishterimen tanysqan Elbasy Aqtóbe oblysynyń damýyna oń baǵasyn berdi.
Al búgin Prezident Energiia tiimdiligi ortalyǵynda boldy. Onda Aqtóbe qalasynyń ákimi Nursultan Nazarbaevqa oblys ortalyǵynyń damý barysy, sondai-aq Aqtóbe aglomeratsiiasyn, «SmartCity Aqtóbe» júiesin jáne qalanyń qoǵamdyq keńistigin qurý jóninde berilgen tapsyrmalardyń oryndalýy týraly málimdedi.
.jpeg)