Nursultan Nazarbaev sheteldikterdiń Qazaqstan turǵyndaryna qurmeti jaily aityp berdi, - dep habarlaidy kaz.tengrinews.kz.
"Qudaiǵa shúkir, táýelsizdik jaǵdaiynda Qazaqstannyń qaida ekenin bilip jatyr, biz shetelge baryp, Keńes Odaǵy ekenin aitqanymyzda elimiz álem kartasynda joq edi. Qazaqstan, Pákistan, Ózbekstan, Tájikstandy qalai shatastyrmaisyń? Shyn máninde AQSh prezidentteriniń biri Qazaqstan men Aýǵanstandy shatastyryp alsa, oǵan ókpeleýdiń ne qajeti bar? Shyn máninde solai", - dedi Prezident Qazaqstan halqy assambleiasynyń XXV sessiiasynda.
Memleket basshysy Qazaqstandy qazir búkil álem biletinin aityp ótti.
"Qazaqstan jaily áńgime bolǵanda barlyǵy bizdiń qazaqstandyqtarǵa qurmetpen qaraidy, solai ma? Bul keremet qoi, solai ma? Sebebi biz beibitshilikte ómir súremiz. Túrli dini konfessiialarǵa tóbelessiz, ólim-jitimsiz-aq qalai beibit ómir súrý kerek ekenin kórsetip jatyrmyz, túrli etnikalyq toptar bir-birin qurmettep, jaqsy kórip, shydap ómir súredi alady, bolashaqty birge jasaidy. Bul keremet. Sondyqtan bizdi jaqsy kóredi. (...) Qazaqstan siriialyq máselelerdi sheshetin jalǵyz oryn boldy. Oppozitsiia men úkimet osynda kelisedi. Basqa da qaqtyǵystarda bizdi shaqyrady. Munyń barlyǵy bizdiń assambleianyń jumysynyń nátijesi", - dedi Nazarbaev.
Uiymdastyrýshylardyń aitýynsha, kún tártibinde "Jańǵyrýdyń negizi - turaqtylyq, birlik, kelisim". Sharaǵa 1500-ge jýyq adam qatysyp jatyr.
