Nursultan Nazarbaev Halyqaralyq saýda ortalyqtary qaýymdastyǵy (WTCA) basqarma tóraǵasynyń orynbasary Rolf Draakpen jáne «Nest Investments HOLDINGS» kompaniialar tobynyń korporativtik qyzmetter jónindegi direktory Mehran Efteharmen kezdesti, dep habarlaidy Aqordanyń baspasóz qyzmeti.
Kezdesý barysynda taraptar Qaýymdastyq pen «Astana» halyqaralyq qarjy ortalyǵy arasyndaǵy yntymaqtastyqtyń perspektivaly baǵyttaryn, sonyń ishinde Qazaqstanǵa álemniń iri korporatsiialary men qarjy institýttaryn tartý, elimizdiń halyqaralyq iskerlik belsendilik ortalyǵy retindegi rólin arttyrý, sondai-aq «EKSPO-2017» kórmesiniń ǵimarattar keshenin kórmeden keiingi kezeńde paidalaný máselelerin talqylady.
Halyqaralyq saýda ortalyqtarynyń qaýymdastyǵy (WTCA) - jahandyq saýda men investitsiiany damytýǵa yqpal etetin halyqaralyq saiasi emes uiym. Dúniejúzilik saýda ortalyqtary ózara bir jeli arqyly bailanysqan jáne onda dástúrge sai «Eni», «Lýkoil», «Panasonic», «J.P. Morgan», «Bank of New York» jáne álemniń basqa da iri korporatsiialarynyń ofisteri ornalasqan.
Kezdesý Briýssel qalasynda Qazaqstan - Eýropa biznes-forýmy alańynda ótti.
