Qazaqstan Prezidenti «Astana» halyqaralyq qarjy ortalyǵynyń basqarýshysy Qairat Kelimbetovti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysyna «Astana» halyqaralyq qarjy ortalyǵynyń qalyptasý barysy jóninde málimdeldi.
Nursultan Nazarbaev qazirgi ýaqytta bul qarjy qurylymynyń tiimdi jumysyn qamtamasyz etý úshin qajetti barlyq quqyqtyq jáne uiymdastyrýshylyq baza jasaqtalǵanyn atap ótti.
«Astana» halyqaralyq qarjy ortalyǵynyń basqarýshysy Qazaqstan Prezidentiniń AQSh pen Qytaiǵa biylǵy resmi saparlary barysynda qol jetkizilgen ýaǵdalastyqtardy iske asyrý jónindegi jumystardyń nátijeleri týraly baiandady.
Q.Kelimbetovtiń aitýy boiynsha, «Astana» halyqaralyq qarjy ortalyǵy jumysqa kirisken kezden beri ózin halyqaralyq arenada tanytyp úlgerdi. Halyqaralyq reiting agenttikteriniń málimetterine sáikes, bul ortalyq álemdik 100 qarjy ortalyǵynyń ishinde 61-orynǵa, Shyǵys Eýropa men Ortalyq Aziia óńiri boiynsha 2-orynǵa ie bolyp otyr.
Sondai-aq, kezdesýde Memleket basshysyna jekeshelendirý jáne Qazaqstan kompaniialarynyń aktsiialaryn IPO-ǵa shyǵarý úderisinde «Astana» halyqaralyq qarjy ortalyǵy birjasynyń múmkindikteriniń paidalanylýy jóninde málimdeldi.
Elbasy kezdesý qorytyndysy boiynsha birqatar naqty tapsyrma berdi.
.jpeg)