Memleket basshysy barsha pravoslav hristiandaryn Rojdestvo merekesimen quttyqtady, dep habarlaidy "Ult aqparat" Aqordaǵa silteme jasap.
– Búgin búkil Qazaqstan, barlyq konfessiialar men etnostardyń ókilderi osy meiramdy atap ótip jatyr. Bul mereke meiirimdilik pen baq-berekeniń simvoly sanalady. Osy kúni eski ókpe-renishter umytylyp, muqtaj jandarǵa kómek kórsetilip, duǵa oqylady, – dedi Qazaqstan Prezidenti.
Elbasy táýelsizdiktiń alǵashqy jyldarynan bastap memleketimizdiń etnosaralyq jáne konfessiiaaralyq kelisimdi nyǵaitý jónindegi jumystardy júrgizip jatqanyna toqtaldy.
– Biz birligimizdiń arqasynda ekonomikada jáne halqymyzdyń ál-aýqatyn arttyrý isinde zor jetistikke jettik. Men egemendik jyldary ishinde pravoslav hristiandarynyń qoldaýyn sezindim, sol úshin sizderge rizashylyq bildiremin, – dedi Memleket basshysy.
Sondai-aq, Nursultan Nazarbaev elimizdiń jer betindegi beibitshilik pen tynyshtyqty saqtaýǵa baǵyttalǵan jahandyq dinaralyq dialogty damytý isindegi rólin atap ótti.
– Bul kúnderi barlyq pravoslav qaýymy Jaratýshydan jaqyndaryna densaýlyq pen amandyq, elimizge tynyshtyq, beibit ómir men kelisim tileidi. Osy duǵa-tilekterdiń bári qabyl bolsyn! Barshańyzdy Rojdestvo merekesimen taǵy da quttyqtap, sizderge zor densaýlyq pen baq-bereke tileimin! – dedi Qazaqstan Prezidenti.
Memleket basshysy Qazaqstannyń birlik pen beibitshiliktiń arqasynda ǵana jańa tabystarǵa qol jetkizetinin aitty.
– Biz dostyq pen ózara túsinistikti, bir-birimizge degen senimdi nyǵaitýǵa baǵyttalǵan saiasatymyzdy jalǵastyratyn bolamyz. Osyndai bastamamamen ǵana alǵa ilgerilep, bolashaq urpaqtyń jaily ómir súrýine qolaily jaǵdai jasai alamyz, – dedi Nursultan Nazarbaev.
Sońynda Qazaqstan Prezidenti Pravoslav Shirkeýi Rýhani-mádeni ortalyǵynyń din jolynda qurban bolǵandar men din taratýshylar mýzeiiniń ekspozitsiiasyn aralap kórdi.
