مەملەكەت باسشىسى بارشا پراۆوسلاۆ حريستياندارىن روجدەستۆو مەرەكەسٸمەن قۇتتىقتادى, دەپ حابارلايدى "ۇلت اقپارات" اقورداعا سٸلتەمە جاساپ.
– بٷگٸن بٷكٸل قازاقستان, بارلىق كونفەسسييالار مەن ەتنوستاردىڭ ٶكٸلدەرٸ وسى مەيرامدى اتاپ ٶتٸپ جاتىر. بۇل مەرەكە مەيٸرٸمدٸلٸك پەن باق-بەرەكەنٸڭ سيمۆولى سانالادى. وسى كٷنٸ ەسكٸ ٶكپە-رەنٸشتەر ۇمىتىلىپ, مۇقتاج جاندارعا كٶمەك كٶرسەتٸلٸپ, دۇعا وقىلادى, – دەدٸ قازاقستان پرەزيدەنتٸ.
ەلباسى تەۋەلسٸزدٸكتٸڭ العاشقى جىلدارىنان باستاپ مەملەكەتٸمٸزدٸڭ ەتنوسارالىق جەنە كونفەسسيياارالىق كەلٸسٸمدٸ نىعايتۋ جٶنٸندەگٸ جۇمىستاردى جٷرگٸزٸپ جاتقانىنا توقتالدى.
– بٸز بٸرلٸگٸمٸزدٸڭ ارقاسىندا ەكونوميكادا جەنە حالقىمىزدىڭ ەل-اۋقاتىن ارتتىرۋ ٸسٸندە زور جەتٸستٸككە جەتتٸك. مەن ەگەمەندٸك جىلدارى ٸشٸندە پراۆوسلاۆ حريستياندارىنىڭ قولداۋىن سەزٸندٸم, سول ٷشٸن سٸزدەرگە ريزاشىلىق بٸلدٸرەمٸن, – دەدٸ مەملەكەت باسشىسى.
سونداي-اق, نۇرسۇلتان نازارباەۆ ەلٸمٸزدٸڭ جەر بەتٸندەگٸ بەيبٸتشٸلٸك پەن تىنىشتىقتى ساقتاۋعا باعىتتالعان جاھاندىق دٸنارالىق ديالوگتى دامىتۋ ٸسٸندەگٸ رٶلٸن اتاپ ٶتتٸ.
– بۇل كٷندەرٸ بارلىق پراۆوسلاۆ قاۋىمى جاراتۋشىدان جاقىندارىنا دەنساۋلىق پەن اماندىق, ەلٸمٸزگە تىنىشتىق, بەيبٸت ٶمٸر مەن كەلٸسٸم تٸلەيدٸ. وسى دۇعا-تٸلەكتەردٸڭ بەرٸ قابىل بولسىن! بارشاڭىزدى روجدەستۆو مەرەكەسٸمەن تاعى دا قۇتتىقتاپ, سٸزدەرگە زور دەنساۋلىق پەن باق-بەرەكە تٸلەيمٸن! – دەدٸ قازاقستان پرەزيدەنتٸ.
مەملەكەت باسشىسى قازاقستاننىڭ بٸرلٸك پەن بەيبٸتشٸلٸكتٸڭ ارقاسىندا عانا جاڭا تابىستارعا قول جەتكٸزەتٸنٸن ايتتى.
– بٸز دوستىق پەن ٶزارا تٷسٸنٸستٸكتٸ, بٸر-بٸرٸمٸزگە دەگەن سەنٸمدٸ نىعايتۋعا باعىتتالعان ساياساتىمىزدى جالعاستىراتىن بولامىز. وسىنداي باستامامامەن عانا العا ٸلگەرٸلەپ, بولاشاق ۇرپاقتىڭ جايلى ٶمٸر سٷرۋٸنە قولايلى جاعداي جاساي الامىز, – دەدٸ نۇرسۇلتان نازارباەۆ.
سوڭىندا قازاقستان پرەزيدەنتٸ پراۆوسلاۆ شٸركەۋٸ رۋحاني-مەدەني ورتالىعىنىڭ دٸن جولىندا قۇربان بولعاندار مەن دٸن تاراتۋشىلار مۋزەيٸنٸڭ ەكسپوزيتسيياسىن ارالاپ كٶردٸ.
