Qazaqstan Prezidenti Nursultan Nazarbaev álemdegi qarýlanýǵa qarjy jumsaýdy arttyrý týraly óz oiyn aitty, - dep habarlaidy kaz.tengrinews.kz tilshisi.
Astana klýbynyń úshinshi jyl saiynǵy otyrysynda Prezident militaristik kóńil-kúidiń artyp kele jatqany, qarýmen jarysý jáne iadrolyq qarýdy qoldaný qaýpi týraly sóz sóiledi.
"Taiaý Shyǵys pen Afrikada qarýly qaqtyǵystar kópten beri jalǵasyp keledi. Aýǵanstan, Irak, Ýkraina, Taýly Qarabaqtaǵy jaǵdai sozylmaly bolyp ketti. Álemdik shielenis qarýǵa degen suranysty arttyryp otyr", - deidi Nursultan Nazarbaev.
Elbasy álemdik áskeri shyǵyndar kezekti ret artyp otyrǵanyn atap ótti. "Áskeri shyǵyndardyń artýy - bul qaýipsizdikke ǵana tóngen qater emes, bul ekonomika men adam resýrstarynyń damý men shynaiy qajettilikten alastatý", - deidi Prezident.
"Jappai qyryp-joiý qarýyn synaqtan ótkizý, Korei túbegindegi jaǵdai búkil álemdi alańdatyp otyr. Osyǵan qatysty iri derjavalar arasynda zymyranǵa qarsy qorǵanys, iadrolyq qarýdy qysqartý týraly ózara kelisýshilik joq", - dep atap ótti ol.
